وفاقی کابینہ کے وزیر رانا تنویر حسین نے کہا ہے کہ صوبائی حکومتیں گندم کی خریداری کے اہداف پر نطر ثانی کریں۔

تفصیلات کے مطابق وفاقی وزیر صنعت و پیداوار فوڈ سیکیورٹی اینڈ ریسرچ رانا تنویر حسین نے کسانوں سے گندم کی خریداری کو یقینی بنانے کے لیے چاروں وزرائے اعلیٰ کو خط لکھا ہے۔

خط میں وفاقی وزیر رانا تنویر حسین نے چاروں صوبائی حکومتوں کو کہا ہے کہ وہ گندم کی خریداری کے اہداف پر نظر ثانی کریں۔

 وفاقی وزیر نے کہا کہ گندم کی خریداری کے اہداف کے حصول میں بھی تیزی لائیں اور حکومتیں گندم خریداری کے اہداف کو پورا کرنے کے لیے ضروری اقدامات کو یقینی بنائیں۔

انہوں نے صوبائی حکومتوں سے کہا ہے کہ کسانوں سے گندم کی امدادی قیمت پر خریداری کو بھی یقینی بنائیں۔

وفاقی وزیر صنعت و پیداوار فوڈ سیکیورٹی اینڈ ریسرچ رانا تنویر حسین نے اپنے خط میں لکھا کہ کسانوں سے زیادہ سے زیادہ گندم خریدنے کے لیے مؤثر اقدامات کو یقینی بنائیں۔

وفاقی وزیر رانا تنویر حسین نے اپنے خط میں مزید لکھا کہ حکومت کسانوں کو درپیش چیلنجز سے بخوبی واقف ہے۔