اینٹی نارکوٹکس فورس نے تعلیمی اداروں میں منشیات کی ترسیل کے خلاف جڑواں شہروں اسلام آباد میں کریک ڈاؤن شروع کردیا ہے۔
اے این ایف ہیڈکوارٹر راولپنڈی سے جاری بیان کے مطابق تعلیمی اداروں میں منشیات کے خلاف کریک ڈائون کے دوران کھنہ پل پر 2.4 کلو گرام چرس قبضے میں لی گئی،ملزم مقامی یونیورسٹی میں بی ایس کمپیوٹر سائنس کا طالبعلم ہے۔
ترجمان اے این ایف کے مطابق دورانِ کارروائی ملزم سے 6 کلو گرام چرس برآمدکی گئی، ملزم نے دوران تفتیش مختلف ہاسٹلوں میں منشیات سپلائی کا اعتراف کیا۔
ترجمان اے این ایف نے کہا کہ تعلیمی اداروں میں منشیات کا استعمال اور خرید و فروخت تعلیمی حصول کے لئے رکاوٹ ہے ، اس کے علاوہ یہ نوجوانوں کے مستقبل اور معاشرے کی تشکیل کے لئے خطرہ بھی ہے۔
ترجمان نے کہا کہ طلبا کا منشیات فروشی میں ملوث ہونا افسوس ناک ہے، منشیات سمگلنگ کے خلاف جنگ میں اے این ایف انتھک کوششیں جاری رکھے ہوئے ہے۔
ترجمان اے این ایف کا مزیدکہنا ہے کہ منشیات جیسی لعنت کو پھیلنے سے روکنا والدین اور اساتذہ کے تعاون کے بغیر ممکن نہیں ، تعلیمی اداروں کے تقدس کو برقرار رکھنے کے لیے انتظامیہ کا طلبہ اور رہائشی ہاسٹلز کی کڑی نگرانی ضروری ہے ۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News