پنجاب اسمبلی میں دی پرونشل اسمبلی آف دی پنجاب لازء ترمیمی بل 2024ء پیش کیا گیا جس ایوان نے منظورکرلیا۔

دی پرونشل اسمبلی آف دی پنجاب لازء ترمیمی بل 2024ء حکومتی رکن سمیع اللہ خان نے ایوان میں پیش کیا، پنجاب اسمبلی کے ایوان میں لیگی رکن اسمبلی موتیا بیگم کی مفاد عامہ سے متعلق قرارداد منظورکرلی گئی۔

متن قرارداد کے مطابق پاکپتن میں بابا فرید یونیورسٹی کا قیام عمل میں لایا جائے، پاکپتن بابا فرید یونیورسٹی میں سائنس و ٹیکنالوجی کی تعلیم و دیگر عصری تقاضوں کے مطابق تعلیم کا بندوبست کیاجائے۔

متن میں کہا گیا کہ بابا فرید یونیورسٹی میں فارغ التحصیل طلباو طالبات کےلئے روزگار کا حصول آسان ہو۔

پنجاب اسمبلی میں سیکریٹری جنرل کا تقررکردیا گیا۔ قومی اسمبلی کے سیکریٹری جنرل کی طرز پر اب پنجاب اسمبلی کے سیکریٹری کا عہدہ بھی سیکریٹری جنرل کہلائے گا۔

موجودہ سیکریٹری پنجاب اسمبلی عامرحبیب کو پنجاب اسمبلی کا سیکریٹری جنرل بنا دیا گیا گریڈ بائیس حاصل ہوگا۔ اسپیکر پنجاب اسمبلی ملک محمد احمد خان کی زیر صدارت کمیٹی اجلاس میں رولز میں ترمیم کی منظوری دے دی گئی۔

اسپیکر کی منظوری کے بعد پنجاب اسمبلی کے ایوان سے رولز میں ترمیم کی بھی منظوری کروا لی گئی۔ حکومتی رکن سمیع اللہ خان نے ترامیم کا بل ایوان میں پیش کیا۔

پنجاب اسمبلی کے ایوان نے اج اسمبلی رولز میں ترمیم کرتے ہوئے سیکریٹری جنرل پنجاب اسمبلی کے عہدے کی ترمیم کی منظوری دی۔

قومی اسمبلی میں بھی سیکریٹری جنرل کا عہدہ نافذالعمل ہے۔