ممکنہ ہیٹ ویوز سے 24 کروڑ بچوں کی زندگی کو خطرہ لاحق، اقوام متحدہ نے خبردار کردیا

ویب ڈیسک

12th Apr, 2024. 02:56 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ممکنہ ہیٹ ویوز سے 24 کروڑ بچوں کی زندگی کو خطرہ لاحق، اقوام متحدہ نے خبردار کردیا

اقوام متحدہ نے رواں برس دنیا بھر میں جان لیوا ہیٹ ویوز سے متعلق خبردار کردیا ہے۔

اقوام متحدہ کی حال ہی میں جاری کی گئی رپورٹ کے مطابق مشرقی ایشیا اور بحرالکاہل میں شدید گرمی کے باعث کروڑوں بچوں کی زندگیوں کو خطرہ لاحق ہے۔

اقوام متحدہ نے گرمی سے زیادہ متاثر ہونے والے ممالک کی نشاندہی کرتے ہوئے ان کی انتظامیہ کو بچوں سمیت کمزور یا بزرگوں کے لیے احتیاطی تدابیر اختیار کرنے اور بہتر حکمت عملی اپنانے کا مشورہ دیا ہے۔

اقوام متحدہ کے ذیلی ادارے یونیسیف کے اعداد و شمار کے مطابق صرف بحرالکاہل اور مشرقی ایشیا میں 24 کروڑ سے زائد بچے ہیٹ ویوز سے متاثر ہوسکتے ہیں، انہیں گرمی سے متعلق بیماریوں اور موت کا خطرہ لاحق ہے۔

موسمی حالات کا تجزیہ کرنے والے عالمی اداروں نے خبردار کیا ہے کہ گرین ہاؤس گیسوں کے بڑھتے ہوئے اخراج کے باعث سال 2024 گرم ترین سال ہوسکتا ہے۔

واضح رہے کہ متعدد ممالک اس وقت شدید گرمی کی لپیٹ میں ہیں جہاں درجہ حرارت ریکارڈ سطح کے قریب پہنچ گیا ہے۔