دنیا بھر میں اگلے چاند گرہن کا آغاز  بروز جمعہ اور ہفتے کی شب میں متوقع کیا جارہا ہے جس کے متعلق رپورٹ بھی جاری کردی گئی ہے۔

رپورٹ کے مطابق پاکستان سمیت دنیا بھر میں اگلا چاند گرہن جمعہ اور ہفتے کی شب دیکھا جاسکے گا جس کا آغاز جمعے کی شب سے ہوگا اور اختتام ہفتے کے ابتدائی گھنٹوں میں ہوجائیگا۔

محکمہ موسمیات نے کہا  ہے کہ پاکستان میں کل ہونے والا چاند گرہن مقامی وقت کے حساب سے 10 بجکر 46 منٹ پر ہوگا اور اس گرہن کا عروج رات 12 بجکر 25 منٹ پر ہوگا۔

چاند گرہن کیا ہے؟

زمین کا وہ سایہ جو زمین کی گردش کے باعث کرہ زمین کے چاند اور سورج کے درمیان آ جانے سے چاند کی سطح پر پڑتا ہے اور چاند تاریک نظر آنے لگتا ہے چاند گرہن کبھی جزوی ہوتا ہے اور کبھی پورا یہ اس کی گردش پر منحصر ہے۔

چاند گرہن کی نماز کا طریقہ

زمین اور چاند تاریک کرے ہیں اور یہ دونوں سورج سے روشنی حاصل کرتے ہیں زمین سورج کے گرد اپنے مدار پر گھومتی ہے اور چاند زمین کے گرد اپنے مدار پر گھومتا ہے۔

یہ سال میں دو مرتبہ ایک دوسرے کے سامنے آ جاتے ہیں جس سے ایک کا سایہ دوسرے پر پڑتا ہے چاند پر سایہ پڑتا ہے تو چاند گرہن اور سورج پر پڑتا ہے تو سورج گرہن کہلاتا ہے۔

سورج گرہن کیا ہے؟

زمین پر سورج گرہن اس وقت لگتا ہے جب چاند دورانِ گردش زمین اور سورج کے درمیان آ جاتا ہے، جس کی وجہ سے سورج کا مکمل یا کچھ حصہ دکھائی دینا بند ہو جاتا ہے اس صورت میں چاند کا سایہ زمین پر پڑتا ہے چونکہ زمین سے سورج کا فاصلہ زمین کے چاند سے فاصلے سے 400 گنا زیادہ ہے اور سورج کا محیط بھی چاند کے محیط سے 400 گنا زیادہ ہے، اس لیے گرہن کے موقع پر چاند سورج کو مکمل یا کافی حد تک زمین والوں کی نظروں سے چھپا لیتا ہے۔

سورج گرہن ہر وقت ہر علاقے میں نہیں دیکھا جا سکتا، اس لیے سائنسدانوں سمیت بعض لوگ سورج گرہن کا مشاہدہ کرنے کے لیے دور دراز سے سفر طے کرکے گرہن زدہ خطے میں جاتے ہیں۔

مکمل سورج گرہن ایک علاقے میں تقریباً 370 سال بعد دوبارہ آ سکتا ہے اور زیادہ سے زیادہ سات منٹ چالیس سیکنڈ تک برقرار رہتا ہے البتہ جزوی سورج گرہن کو سال میں کئی دفعہ دیکھا جا سکتا ہے۔