ایک کمپنی نے انقلابی برقی چھلے پر کام شروع کردیا ہے جس کی بدولت آپ چیٹ جی پی ٹی سے گفتگو کرکے اس کے نتائج ہیڈفون پر سن سکیں گے۔

انٹرنیٹ پر کراؤڈ فنڈنگ کی مشہور ویب سائٹ، ‘کک اسٹارٹر’ پر وزپر رِنگ کی تشہیر اور چندہ مہم جاری ہے۔ یہ ایک اسمارٹ چھلا ہے جو چارج ہونے پر برقی طور پر کام کرتا ہے۔ اس میں آپ چیٹ جی پی ٹی اور دیگر پلیٹ فارم سے وائس پر معلومات حاصل کی جاسکتی ہے۔ بس چھلےکے قریب آکر آپ کو سرگوشی کرنا ہوگی۔

وزپر اسمارٹ رِنگ چیٹ جی پی ٹی کے ساتھ ساتھ گوگل کے مشہور اے آئی پلیٹ فارم جیمینائی سے بھی ہدایات لیتا ہے اور آواز کی صورت میں ہیڈفون تک بھیجتا ہے۔ اسے وی ٹچ نامی کمپنی نے تیار کیا ہے۔

یہ اے آئی کے جوابات خفیہ انداز میں تو نشر کرتا ہی ہےلیکن اس چھلے سے آپ گھرکے آلات کنٹرول کرسکتے ہیں۔ ایس او ایس یعنی ہنگامی حالت کا پیغام دوسروں تک بھیج سکتے ہیں اور پرسنل اسسٹنٹ کے طور بھی استعمال کیا جاسکتا ہے۔ ایک چھلے کی تعارفی قیمت 139 ڈالر ہے جو بہت زیادہ نہیں۔ اب تک سینکڑوں افراد اس پروجیکٹ کی تائید اور مدد کرچکے ہیں۔

اولین وزپر اسمارٹ رنگ جون یا جولائی 2024 تک مارکیٹ میں پیش کی جائے گی۔ اب اس کی ایک اور غیرمعمولی صلاحیت سامنے آئی ہے کہ یہ تین گنا رفتار سے بولے جانے والے الفاظ کو ٹیکسٹ میں ٹائپ کرسکتی ہے۔ دلچسپ بات یہ ہے اس میں شور کم کرنے اور اسے حذف کرنے کا نظام بھی موجود ہے۔