وزیراعظم عمران خان نے کشمیر کی صورتحال سے امریکی صدر ڈونلڈ ٹرمپ کو آگاہ کر دیا۔
تفصیلات کے مطابق عمران خان اور ڈونلڈ ٹرمپ کا ٹیلی فونک رابطہ بیس منٹ تک جاری رہا۔
ذرائع کے مطابق دونوں رہنماؤں میں پاک بھارت کشیدگی اورمقبوضہ کشمیر کی صورتحال پر بات چیت ہوئی ۔
عمران خان نے مقبوضہ کشمیر کی صورتحال ، بھارتی اقدام اور سلامتی کونسل کے غیر رسمی اجلاس پہ ڈونلڈ ٹرمپ سے تبادلہ خیال کیا۔
وزیراعظم عمران خان نے امریکی صدر کو پاکستان کے دو ٹوک موقف اور بھارت کے یک طرفہ اقدامات سے بھی آگاہ کیا۔
اسی حوالہ سے وزیرخارجہ شاہ محمودقریشی نے بتایا کہ وزیراعظم عمران خان اور امریکی صدر رابطے میں رہیں گے۔
شاہ محمود قریشی نے کہا کہ دونوں رہنماؤں کے مابین ہونے والی ٹیلی فونک گفتگو میں افغان مسئلہ بھی زیر غور آیا۔
انہوں نے کہا کہ عمران خان اور ٹرمپ کے درمیان افغان امن عمل پر بھی بات ہوئی، جس میں عمران خان نے پاکستان کا موقف سامنے رکھا اور ڈونلڈ ٹرمپ کو اعتماد میں لیا۔
وزیر خارجہ نے کہا کہ ہم نے خطے کی بہتری، پاکستان اور افغانستان کے امن و استحکام کےلیے قدم اٹھائے ہیں۔
انہوں نے کہا کہ پاکستان سلامتی کونسل کے 5 میں سے چار ارکان سے رابطے کرچکا ہے۔شاہ محمود قریشی نے کہا کہ عمران خان نے مقبوضہ کشمیر میں بھارتی مظالم سے امریکی صدرکو آگاہ کیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News