وزیراعظم کی معاون خصوصی برائے اطلاعات فردوس عاشق اعوان نےکہا ہے کہ وزیراعظم عمران خان اقوام متحدہ کو کشمیریوں سے کیے ہوئے ان کے وعدے یاد دلائیں گے ۔
تفصیلات کےمطابق سماجی رابطے کی ویب سائٹ ٹویٹرپربیان دیتے ہوئےمعاون خصوصی کاکہناتھا کہ اپنی آزادی کے لئے پرعزم مظلوموں کا سفیر آج دنیا کے سب سے بڑے ایوان میں کشمیریوں کی پکار بنے گا۔
اپنی آزادی کے لئے پرعزم مظلوموں کا سفیر آج دنیا کے سب سے بڑے ایوان میں کشمیریوں کی پکار بنے گا۔ عمران خان اقوام متحدہ کو کشمیریوں سے کیے ہوئے ان کے وعدے یاد دلائیں گے ۔اقوام متحدہ کی جنرل اسمبلی میں وزیراعظم کے خطاب سے کشمیر کاز نئی قوت سے دنیا کے سامنے آئے گا.
— Dr. Firdous Ashiq Awan (@Dr_FirdousPTI) September 27, 2019
انہوں نےکہاکہ اقوام متحدہ کی جنرل اسمبلی میں وزیراعظم عمران خان کےخطاب سےکشمیرکازنئی قوت کے ساتھ دنیا کے سامنے آئے گا۔اقوام متحدہ کی جنرل اسمبلی میں تمام ممبرممالک کےسامنےوزیراعظم پرزوراور ٹھوس اندازسےکشمیریوں کا مقدمہ پیش کریں گے۔
فردوس عاشق اعوان کا مزید کہناتھاکہ وزیراعظم عمران خان قوم اور کشمیریوں کی خواہشات اورجذبات کو عالمی برادری تک پہنچائیں گےاوراس صورت میں دنیا کو مظلومان کشمیر کا ساتھ دینا ہی ہوگا۔
معاون خصوصی نے کہاکہ گزشتہ سات دہائیوں میں کشمیریوں کےحق میں سب سے زیادہ توانا آواز وزیراعظم عمران خان کی ہے جو آج قریہ قریہ نگرنگر سنائی دے رہی ہے۔
دنیا کو مظلومان کشمیر کا ساتھ دینا ہوگا۔گزشتہ سات دہائیوں میں کشمیریوں کے حق میں سب سے زیادہ توانا آواز وزیراعظم عمران خان کی ہے جو آج قریہ قریہ نگرنگر سنائی دے رہی ہے۔
Advertisement— Dr. Firdous Ashiq Awan (@Dr_FirdousPTI) September 27, 2019
ان کا کہناتھا کہ وزیراعظم عمران خان نے ناروے کے وزیراعظم، انڈونیشیا کے نائب صدر، روسی وزیر خارجہ اور وال اسٹریٹ جرنل کے اداراتی بورڈ سے ملاقاتوں میں مقبوضہ جموں وکشمیر کی تشویشناک صورتحال،انسانی حقوق کی پامالیوں اور خطے کے امن کو لاحق شدید خطرات سے آگاہ کیا،وزیراعظم نےہیومن رائٹس واچ کے ایگزیکٹیو ڈائریکٹر کو بتایا کہ بھارتی افواج وادی میں انسانی حقوق کی دھجیاں بکھیر رہی ہے۔
ڈاکٹرفردوس عاشق اعوان نےمزید کہاکہ مقبوضہ کشمیرمیں انسانی المیہ جنم لےسکتا ہے۔ دنیا کو خونریزی روکنے کیلئےفعال کردارادا کرنا ہوگا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News