بابا گرو نانک کے 550 ویں سالگرہ کے موقع پر سکھ برادری کیلئے وفاقی حکومت کی جانب سکھ یاتریوں کیلئے خصوصی ٹرین سروس چلائی جارہی ہے۔ ٹرین آج صبح آٹھ سو یاتری لے کر روانہ ہوئی ہے۔ گورنر سندھ عمران اسماعیل نے گورنر سکھ یاتریوں کو رخصت کیا۔

سکھ برادری بابا گرو نانک کا 550 واں یوم ولادت مذہبی جوش و خروش سے منا رہی ہے۔ حکومت پاکستان اور پاکستان ریلوے کی جانب سے سکھ یاتریوں کے لیئے خصوصی ٹرین کا چلائی گئی ہے۔ اسپیشل ٹرین کرتار پور روانہ ہو گئی۔ آٹھ بوگیوں پر مشتمل ٹرین 8 سو سکھ یاتریوں کو لے لیکر کراچی سے کرتار پور پہنچے گی۔ بابا گرو نانک کی سالگرہ کی مناسبت ے اسپیشل ٹرین کو خوبصورتی سے سجایا گیا ہے۔

سکھ یاتریوں کو گورنر سندھ عمران اسماعیل نے رخصت کیا۔ اس موقع پر میڈیا سے گفتگو میں گورنر سندھ عمران اسماعیل نے کہا کہ ہم نے سکھ اور ہندویاتریوں کے لیئے سرحد کھولی ہے۔ ہندوستان میں اقلیتیوں کے ساتھ ظلم ہوتاہے پاکستان میں اقلیتیوں کوگلے لگایاجاتاہے،اور برابرکے حقوق دیے جاتے ہیں۔

عمران اسماعیل نے کشمیریوں سے اظہار یکجہتی کرتے ہوئے کہا کہ ہم کشمیری بھائیوں کو اکیلا نہیں چھوڑیں گے۔ بھارتی فوج نے کشمیر میں ظلم وبربریت مچائی ہوئی ہے۔