قومی احتساب بیورو (نیب) کراچی نے فضائیہ ہائوسنگ اسکیم کے خلاف تحقیقات شروع کردی ہے جبکہ چیئرمین نیب نے عام عوام کو رلیف دینے کے لیے تازہ انکوائری کے احکامات جاری کیئے ہیں۔
تفصیلات کے مطابق فضائیہ اسکیم میں13 ارب روپے کے فراڈ اور 6 ہزار متاثرین نے پلاٹ بکنگ کرائی گئی تھی۔
نیب کا کہنا ہے کہ فضائیہ ہاؤسنگ اسکیم متاثرین کی تعداد 6 ہزار سے زائد ہے، متاثرین کی جانب سے اسکیم میں 13ارب روپے لگائے گئے تھے، چیئرمین نیب کی ہدایت پردوبارہ سے نئی انکوائری کی ہدایت کی گئی ہے۔
چیئرمین نیب نے جلد از جلد انکوائری مکمل کرنے کی ہدایت بھی کی ہے جبکہ کراچی کو مکمل تفصیلی انکوائری کرنے کا حکم اور چیٹنگ میں ملوث افراد کی نشاندہی کی ہدایت کی گئی ہے۔
واضح رہے کہ اس سے قبل اسلام آباد میں ایک تقریب سے خطاب کرتے ہوئے قومی احتساب بیورو (نیب) کے چیئرمین جسٹس (ر) جاوید اقبال کا کہنا تھا کہ نیب کا تعلق کسی سیاسی گروپ یا گروہ سے نہیں ہے۔نیب پاکستان اور عوام کے ساتھ ہے، ہم پر تنقید کی جاتی ہے کہ نیب کا جھکاؤ ایک طرف ہے تاہم اب ہواؤں کارخ بدل رہا ہے، ہم اب دوسرے محاذ کی طرف جارہے ہیں۔
جسٹس (ر) جاوید اقبال نے کہا کہ نیب نے اپنی منزل کا تعین کرلیا ہے،کرپشن فری پاکستان نیب کی منزل ہے ۔جہاں بھی کرپشن ہوگی خواہ وہ کس نے کی ہے اور اس میں کون ملوث ہے اس پر نیب ایکشن لے گا۔
انہوں نے کہا کہ ہر طاقت ،ہر اثر اور ہر دھمکی نیب کے گیٹ کے باہر ختم ہوجاتی ہے، اندر آنے کی کسی کو اجازت نہیں، کام ایسے ہی چلے گا جیسے چل رہا ہے، آپ جو چاہے کہیں، کارواں نے چلنا ہے اور چلتا رہے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News