فردوس عاشق اعوان نے کہا ہے کہ وزیراعظم عمران خان کادامن صاف ہے، لیگی ترجمانوں کی نیب ترمیمی آرڈیننس پر سیاست افسوسناک ہے۔
تفصیلات کے مطابق معاون خصوصی فردوس عاشق نے سماجی رابطے کی ویب سائٹ ٹو ئٹر پر ٹوئٹ کر تے ہوئے کہا ہے کہ وزیراعظم کادامن صاف ہے، انہیں احتساب کا کوئی خوف نہیں، عدالت نے وزیراعظم کو صادق و امین قرار دیا، نیب کرپشن کیخلاف کارروائی بھرپور قوت سےسرانجام دے گا،نیب ترمیمی آرڈیننس پر سیاست افسوسناک ہے۔۔
نیب آرڈیننس لانے کا مقصد این آر او دینا نہیں
ذرائع کے مطابق ڈاکٹر فردوس عاشق اعوان کا کہنا ہے کہ عمران خان کا کرپشن کے خلاف جہاد بھرپور قوت سے جاری ہے، نیب کا کام میگا کرپشن اسکینڈلز کے خلاف کارروائی عمل میں لانا ہے اور یہ کام نیب اور بھی قوت سے انجام دے گا۔
Advertisementآئے روزنیب کے خلاف محاذ کھولنے والے لیگی ترجمانوں کا نیب ترمیمی آرڈیننس پرسیاست کرناافسوسناک ہے۔وزیراعظم عمران خان کا دامن صاف ہے۔انہیں احتساب کا کوئی خوف نہیں،سب سے بڑی عدالت نے انہیں صادق اورامین قرار دیا۔
2/1— Dr. Firdous Ashiq Awan (@Dr_FirdousPTI) December 29, 2019
دوسری جانب وزیرخارجہ شاہ محمود قریشی نےملتان میں پریس کانفرنس سے خطاب کرتے ہوئے کہا ہے کہ نیب آرڈیننس لانے کا مقصد کرپشن پر پردہ ڈالنا یا این آر او دینا نہیں، نیت پر شک نہ کیا جائے، نیب قوانین پر نظرثانی ن لیگ کا دیرینہ مطالبہ تھا۔
وزیرِ اعظم کی معاونِ خصوصی کا کہنا ہے کہ نیب کا کام میگا کرپشن اسکینڈلز کے خلاف کارروائی عمل میں لانا ہے اور یہ کام نیب اور بھی قوت سے انجام دے گا۔
انہوں نے کہا کہ ایسے سرکاری ملازمین کے خلاف ضرور کارروائی ہوگی جنہوں نے طریقہ کار کی غلطیوں یا محکمانہ نقائص سے ذاتی مفادات حاصل کیے ہوں گے۔
فردوس عاشق اعوان نے مزید کہا کہ اختیارات کا ناجائز استعمال کرتے ہوئے اثاثہ جات میں بے پناہ اضافہ کرنے والے پبلک آفس ہولڈرز کارروائی سے ہرگز مبرا نہیں۔
انہوں نے یہ بھی کہا کہ آرڈیننس کے تحت دیانت دار پبلک آفس ہولڈرز بلا خوف و خطر عوامی مفاد میں فیصلے کرسکیں گے اور اپنی قانونی ذمے داریاں انجام دیں سکیں گے، اس سے گورننس مزید فعال، معیشت مستحکم اور تجارتی ماحول ساز گار ہو گا۔
وزیرخارجہ شاہ محمود قریشی کا کہنا ہے کہ بغیر مطالعہ تنقید ہمارے ہاں روش بن گئی ہے، اپوزیشن کہہ رہی ہے معیشت کا پہیہ نہیں چل رہا، دوسری طرف اپوزیشن معاشی معاملات میں رکاوٹ ڈالتی ہے، معاشی استحکام کیلئے حکومتی اقدامات پر تنقید کی جاتی ہے، کسی کو رعایت یا این آراو دینا ہمارا مقصد نہیں۔
وزیرخارجہ نے کہا کہ نیب قانون پر نظرثانی پیپلزپارٹی اور (ن) لیگ کا مطالبہ تھا، کراچی شہر ملک کی انڈسٹریل حب ہے، وہاں گیس بحران سے پروڈکشن میں کمی ہو گی، وفاقی حکومت نہیں چاہے گی کہ پرڈوکشن بند ہو، وفاقی حکومت سندھ کیساتھ پورا پورا تعاون کرے گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News