سعودی عرب کی التمیمی گروپ آف کمپنیز کے چیئرمین کی وزیراعظم سے ملاقات
سعودی عرب کی التمیمی گروپ آف کمپنیز کے چیئرمین کی وزیراعظم عمران خان سے ملاقات ہوئی ، جس میں وزیراعظم نے کاروبار میں آسانی کے لیے حکومتی اصلاحات سے آگاہ کیا۔
اس موقع پر وزیر اعظم کا کہنا تھا کہ اللہ کو پاکستان نے 12 موسموں سے نوازا ہے اور ہم سرمایہ کاروں کے لیے ون ونڈو آپریشن شروع کر رہے ہیں۔
وزیر اعظم عمران خا ن کا مزید کہنا تھا کہ پاکستان میں زراعت، پھل، ڈیئری اور فشریز کی پیداوار ہوسکتی ہے اس لئے پیداوار بڑھانے کے لیے حکومت ریسرچ پر فوکس کررہی ہے جبکہ نجی سرمایہ کاروں کی مدد سے برآمدات میں اضافے کی کوشش کر رہے ہیں۔
التمیمی گروپ کے چیئرمین نے اقتصادی استحکام کے لئے حکومت کے اقدامات کو سراہا۔
التمیمی گروپ آف کمپنیز کے چیئرمین سے ہونے والی اس ملاقات میں مشیر تجارت عبدالرازق داؤد اور سینئر حکام بھی شریک ہوئے۔
سال 2020 ترقی کا سال ہوگا، عمران خان
واضح رہے اس سے قبل بھی وزیراعظم عمران خان نے ترسیلات زر بھجوانے کی اسکیم کا افتتاح کیا، اس موقع پر تقریب سے خطاب کرتے ہوئے وزیراعظم عمران خان نے کہا تھا کہ اوورسیز سے ہمیشہ رابطہ رہا، ان کے مسائل سے بخوبی آگاہ ہوں۔
وزیراعظم نے یہ بھی کہا تھا کہ سال 2020 پاکستان کے لئے ترقی کا سال ثابت ہوگا کیونکہ حکومت اس سال میں نوجوانوں کو زیادہ سے زیادہ نوکریاں فراہم کریگی۔
انکا کہنا تھا کہ قانونی ذرائع سے ترسیلات زر بھیجنے والوں کو انعام دیں گے کیونکہ جتنی اچھی جمہوریت ہوگی اتنی اچھی حکومت ہوگی۔
وزیراظم نے مزید کہا تھا کہ جمہوری حکومت عوام کی ہوتی ہے،یہ مائنڈسیٹ آہستہ آہستہ تبدیل ہوگا کیونکہ نیاپاکستان نئی سوچ کانام ہے، ریاست مدینہ پہلے دن نہیں بنی اس کے لئے سوچ کو تبدیل کیا گیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News