مریم اورنگزیب نے کہا ہے کہ عمران صاحب حکومت چلانا اور عوام کی خدمت آپ کے بس کی بات نہیں، یوٹرن اور نالائقی آپ کی پہچان بن گئی ہے۔
تفصیلات کے مطابق مسلم لیگ ن کی ترجمان مریم اورنگزیب نے ملک میں آٹے کے بحران پر تبصرہ کر تے ہوئے کہا کہ آٹے کا بحران عوام کی جیبوں پر حکومت کا ڈاکہ ہے۔
شہزاد اکبرکا شہبازشریف کوچیلنج
پاکستان مسلم لیگ ن کی تر جمان نے کہا کہ گندم کی پیداوار 20 فیصد بڑھا چڑھا کر دکھائی گئی تاکہ اس ایکسپورٹ سے چند لوگ جیبیں بھر لیں ۔
عمران صاحب انکوائری رپورٹ کا انتظار نہ کریں گندم اور آٹے میں لوٹ مار کے حقائق حاضر ہے۔
مفادپرستوں نے 150 ڈالر فی ٹن سبسڈی بھی وفاقی حکومت سے ہتھیاکر مزید ظلم کیا۔
پنجاب میں بعض بدنام زمانہ کرپٹ فلوملز، محکمہ خوراک اور ’اے ٹی ایمز‘ کی ملی بھگت سے یہ ڈاکہ ڈالاگیا۔
وسیم اکرم پلس کو ایک فلورمل چیک کرنے کی توفیق ہوئی نہ ہی یہ معلوم کیا کہ آٹا مقامی مارکیٹ میں فراہم ہورہا ہے یا گندم باہر بھیجی جارہی ہے۔
مریم اورنگزیب نے مزید کہا کہ پہلی مرتبہ سیزن میں اور گنے کی پیداوار زیادہ ہونے کے باوجود چینی کی قیمت میں اضافہ کیا گیا
عمران صاحب سچ یہ ہے کہ آپ صرف سیاسی مخالفین پر جھوٹے الزامات لگاسکتے ہیں ۔
عمران صاحب اگر جرات ہے تو کریں انکوائری جہانگیر ترین اور خسرو بختیار کی ۔
عمران صاحب اگر جرات ہے تو بتائیں عوام کو کہ آٹے اور چینی کا بحران جہانگیر ترین اور خسرو بختیار کو فائدہ دینے کے لئے پیدا کیا ۔
عمران صاحب آپ کے یو ٹرن ، نااہلی اور نالائقی آپ کی پہچان بن چکی ہے ۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News