ایئرمارشل ارشد ملک نے بطور سی ای او پی آئی اے کام روک دیا
ایئرمارشل ارشد ملک نے سپریم کورٹ کے فیصلے کے تحت بطور سی ای او پی آئی اے کام روک دیا ہے۔
تفصیلات کے مطابق ایئرمارشل ارشد ملک نے پی آئی اے کے چیف ایگزیکٹو آفیسر کام بند کرتے ہوئے ایرفورس کے ڈیپوٹیشن پر آنے والے افسران کو فوری طور واپس جانے کی ہدایت کردی ہے۔
اس تازہ صورتحال کے پیش نظرقومی ایئرلائن کے بورڈ آف ڈائریکٹرز کا اجلاس بھی کل طلب کر لیا گیا ہے، جس میں نئے چئیرمین کے تقرر کا فیصلہ ہوگا۔
بورڈ اجلاس میں قومی ایئرلائن اور انتظامیہ سمیت آپریشنل سے متعلق بڑے فیصلے متوقع ہے۔
یاد رہے کہ سپریم کورٹ نے پی آئی اے کے سے متعلق فیصلوں کا مکمل اختیار بورڈ کے حوالے کرنے کا فیصلہ دیا تھا۔
سندھ ہائی کورٹ کے دو رکنی بینچ نے ایئرمارشل ارشد ملک کو کام کرنے اور پی آئی اے میں خرید و فروخت، پالیسی سازی اور ایک کروڑ سے زائد کے اثاثے بھی فروخت کرنے سے روک دیا۔
بول نیوز کی خبر پر سی ای او پی آئی اے کا ایکشن
واضح رہے کہ ایئر مارشل ارشد ملک کے خلاف ایئر لائنز سینئر اسٹاف ایسوسی ایشن (ساسا) کے جنرل سیکریٹری صفدر انجم نے عدالت میں درخواست دائر کی تھی جس میں موقف اختیار کیا گیا کہ مطلوبہ عہدے کے لیے ایئر مارشل ارشد ملک تعلیمی معیار پر پورا نہیں اترتے اور ان کا ایئر لائن سے متعلق کوئی تجربہ نہیں ہے۔
درخواست میں موقف اختیار کیا گیا کہ ایئر مارشل ارشد ملک نے 1982 میں بی ایس سی کیا اور اس بعد وار اسٹیڈیز سے متعلق تعلیم حاصل کی، تاہم انہیں ایئر لائن انڈسٹری اور کمرشل فلائٹس سے متعلق سول ایویشن قوانین سے کچھ آگاہی نہیں ہے۔
اس ضمن میں مزید کہا گیا کہ ایئر مارشل ارشد ملک کی تعیناتی میں پبلک سیکٹر کمپنیز رولز 2013 اور رول 2 اے کو قطعی طور پر نظر انداز کیا گیا جس کے تحت سی ای او تعینات کیے جاتے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News