صوبہ سندھ، پنجاب اور گلگت بلتستان  میں کورونا وائرس کے مزید 58  کیسز کی تصدیق ہوئی ہے جس کے بعد ملک بھر میں متاثرہ افراد کی تعداد 1575 ہوگئی ہے ۔

تفصیلات کے مطابق آج  صوبہ سندھ، پنجاب اور گلگت بلتستان میں کورونا وائرس کے مزید 58 کیسز سامنے آچکے ہیں جن میں سے 13 مریض پنجاب ،33 سندھ جبکہ گلگت بلتستان  میں 12 مریض سامنے آئے ہیں۔

ترجمان محکمہ صحت سندھ سے جاری کردہ بیان کے مطابق سندھ میں کورونا وائرس کے مزید 33  کیسز سامنے آئے ہیں جس کے بعد صوبے میں کل کیسز کی تعداد 502 تک پہنچ چکی ہے۔

ترجمان محکمہ صحت سندھ نے کہا کہ آج کراچی میں کورونا وائرس کےمزید 33 مریض سامنےآ گئے ، تمام افراد رابطوں کے زریعے کورونا وائرس سے متاثر ہوئے ۔

ترجمان محکمہ صحت نے یہ بھی کہا کہ کراچی سے رپورٹ ہونے والے مریضوں کی مجموعی تعداد 222 ، حیدرآباد میں کل تعداد 7 ، لاڑکانہ میں 7 ، دادو میں 1 جبکہ سکھر میں کل متاثرہ افراد کی تعداد 265 تک جاپہنچی ہے۔

ترجمان محکمہ صحت نے مزید کہا کہ سندھ میں 14  مریض صحت یاب ہوئے ہیں جن میں 13 افراد کا تعلق کراچی اور ایک کا حیدرآباد سے ہے جبکہ  تین جاں بحق ہوچکے ہیں اور تینوں افراد کا تعلق کراچی سے ہے ۔

 دوسری جانب ترجمان پرائمری اینڈ سکینڈری ہیلتھ کئیر نے بھی اپنے ایک بیان میں کہا کہ پنجاب میں کوروناوائرس کے مزید 13 کیسز سامنے آگئے جس کے بعد صوبے میں کوروناوائرس سے متاثرہ افرادکی تعداد 570 تک پہنچ گئی۔

ترجمان پرائمری اینڈ سکینڈری ہیلتھ کئیر نے کہا کہ تمام کنفرممریضوں کو دیگر افراد سے الگ آئسولیشن وارڈز میں رکھا گیا ہے اور طبیعت خراب ہونے پر مریضوں کو آئسولیشن وارڈز سے ہسپتال کے ایچ ڈی یو میں شفٹ کیا جاتا ہے جبکہ مریضوں کو مکمل طبی سہولیات فراہم کی جا رہی ہے۔

صوبہ سندھ، پنجاب اور کے پی کے میں کورونا وائرس کے مزید 116 کیسز کی تصدیق

ترجمان ہیلتھ کئیر نے یہ بھی کہا کہ عوام سے گزارش ہے کہ حفاظتی تدابیر اختیار کرکے خود کو محفوظ بنائیں اور گزشتہ 14 روز میں متاثرہ ممالک سے آئے افراد گھر میں آئسولیشن اختیار کریں۔

ترجمان پرائمری اینڈ سکینڈری ہیلتھ کئیر نے مزید کہا کہ متاثرہ ممالک سے آئے افراد میں آئسولیشن کے دوران علامات ظاہر ہوں تو 1033 پر رابطہ کریں، محکمہ صحت کی ریپڈ رسپانس ٹیمیں مشتبہ مریض کو ہسپتال منتقل کر کے ٹیسٹ کروایں گی۔

دریں اثناءمحکمہ اطلاعات گلگت بلتستان نے اپنے ایک بیان میں کہا کہ گلگت بلتستان میں 27 مشتبہ افراد لے نمونے لے گئے تھے جن 12 افراد میں کوروناوائرس کی تصدیق ہو ئی جس کے بعد صوبے بھر میں میں کوروناوائرس کے کل کیسز کی تعداد 128 ہوگئی ہے۔