گورنر سندھ عمران اسماعیل اور اپیکر قومی اسمبلی اسد قیصر کے بعد اب کورونا وائرس کا شکار سینیٹر مرزا محمد آفریدی صحت یاب ہوگئے ہیں۔

کورونا وائرس کا شکار سینیٹر مرزا محمد آفریدی صحت یاب ہوگئے ہیں، سینیٹر مرزا محمد آفریدی کاکوروناٹیسٹ منفی آگیا ہے۔

یاد رہے کہ فاٹا سینیٹر مرزامحمد آفریدی کا اس سے قبل کوروناٹیسٹ مثبت آیا تھا جس کے بعد سینیٹر مرزا محمد آفریدی نے چودہ روز سے زائد آئسیلویشن میں گزارے ہیں۔

کورونا کیسز کی تعداد 34336 تک پہنچ گئی

کورونا وائرس کا ٹیسٹ منفی آنے کے بعد سینیٹر مرزا محمد آفریدی کل سینیٹ اجلاس میں شرکت کرینگے۔

انہوں نے اپنے صحتیابی کے متعلق کہا ہے کہ دعائیں کرنے پر اپنی عوام کا مشکور ہوں اور الحمداللہ، ٹھیک ہوں،عوام احتیاطی تدابیر نہ چھوڑے۔

خیال رہے کہ اس سے قبل گورنر سندھ عمران اسماعیل نے بھی کورونا کو شکست دے دی ہے۔

Alhamdulilah I have received my test results in which I have been tested negative for COVID19. Many thanks to all those who prayed for my health. I will soon be donating blood plasma to those in need.

— Imran Ismail (@ImranIsmailPTI) May 12, 2020

سماجی رابطے کی ویب سائٹ ٹوئٹر پر اپنے پیغام میں گورنر سندھ کا کہنا تھا کہ اُن کا کورونا وائرس ٹیسٹ منفی آگیا ہے۔

اپنے پیغام میں گورنر سندھ عمران اسماعیل کا کہنا تھا کہ ان سب کا شکریہ جنہوں نے میرے لیے دعائیں کی۔

انہوں نے مزید کہا کہ بہت جلڈ بلڈ پلازمہ عطیہ کروں گا۔

دوسری جانب اسپیکر قومی اسمبلی اسد قیصر نے کورونا کو شکست دے دی۔

تفصیلات کے مطابق اسپیکر قومی اسمبلی کے بھائی وحید قیصر نے اپنے ایک بیان میں کہا کہ اسپیکر قومی اسمبلی اسد قیصر کا دوسرا کورونا وائرس ٹیسٹ نیگیٹو آیا ہے۔

اسد قیصر کورونا وائرس سے متاثر ہوکر ہسپتال میں زیر علاج تھے طبیعت میں بہترے کے بعد آج انھیں اسپتال سے انکی رہائش گاہ منتقل کیا گیا ہے۔

اسپیکر قومی اسمبلی کے بھائی وحید قیصر نے مزید کہا کہ اسد قیصر جلد اپنے فرائض منصبی سنبھالیں گے۔

خیال رہے کہ اسپیکر قومی اسمبلی اسد قیصر نے کرونا وائرس کا ٹیسٹ مثبت آنے پر خود کو گھر میں آئسولیٹ کر لیا تھا، اسپیکر قومی اسمبلی کے علاوہ ان کے بچے بھی کرونا وائرس کا شکار تھے جو ان کے ساتھ ہی گھر میں آئسولیٹ تھےتاہم ان کے بچوں کی حالت خطرے سے باہر ہے۔