وفاقی وزیر منصوبہ بندی اسد عمر کی زیرصدارت وزیراعظم کے کامیاب جوان پروگرام کے حوالے سے اجلاس ہوا ہے۔

اجلاس میں پاکستان میں کامیاب جوان پروگرام کے تحت یوٹیلیٹی اسٹورز فرنچائزز کے قیام پر غور کیا گیا ہے۔

اجلاس کے دوران وفاقی وزیر برائے منصوبہ بندی اسد عمر نے کہا ہے کہ وزارت صنعت کے تعاون سے کامیاب جوان  پروگرام کا فیز ٹو یوٹیلیٹی اسٹورز کی فرنچائزز کے قیام کے لئے قرضے دے گا کیونکہ اس طرح کی فرنچائزز کو قرض دینے سے فائدہ یقینی ہوتا ہے۔

اسد عمر کا کہنا تھا کہ اس طرح قرضے محفوظ ہوں گے اور یہ دکانیں مؤثر طریقے سے مارکیٹ کےاستحکام میں کردار ادا کریں گی۔

اجلاس کے دوران عثمان ڈار نے بتایا کہ تقریبا 25 ہزار درخواست دہندگان نے وزیر اعظم کامیاب جوان پروگرام کے تحت قرضوں کے لئے درخواست دی گئی ہے جس میں سے 25 ہزار درخواست گزار ریٹیل اسٹور کھولنے میں دلچسپی رکھتے ہیں۔

انہوں نے کہا کہ پہلے سے قائم فرنچائزز اور یوٹیلیٹی اسٹورز کارپوریشن کے تحت نئی ​​فرنچائزز قائم کی جائیں گی جبکہ نئی فرنچائز کے قیام کے لئے بھی قرضوں میں توسیع کی جاسکتی ہے۔

اجلاس میں حماد اظہر کا کہنا تھا کہ وزارت صنعت  یوٹیلٹی اسٹورز کے تحت 1 ہزار کے قریب آپریشنل فرنچائز کو قرض فراہمی منصوبے کا جائزہ لے گی جبکہ نئے اسٹورز کے قیام کے لئے ماڈل پیش کرنے کے لئے بھی کام کرے گی۔

انہوں نے کہا کہ فرنچائزز کھولنے کے لئے قرض دینے میں ایک پائلٹ پروجیکٹ کامیابی کے ساتھ شروع کیا جائے گا۔

اجلاس میں وزیر صنعت حماد اظہر، نوجوانوں کے امور پر وزیر اعظم کے معاون خصوصی عثمان ڈار کی جانب سے شرکت کی گئی۔