نیب کو ختم کر دیں ورنہ یہ پاکستان کو ختم کر دے گا ، شاہد خاقان عباسی

نیب کو ختم کر دیں ورنہ یہ پاکستان کو ختم کر دے گا

شبین رضا

06th Aug, 2020. 11:15 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نیب کو ختم کر دیں ورنہ یہ پاکستان کو ختم کر دے گا

شاہد خاقان عباسی کا کہنا ہے کہ پہلے دن سے کہہ رہے ہیں نیب کو ختم کر دیں ورنہ یہ پاکستان کو ختم کر دے گا۔

تفصیلات کے مطابق اسلام آباد کی احتساب عدالت نے مسلم لیگ ن کے رہنما اور سابق وزیرِ اعظم شاہد خاقان عباسی کے خلاف ایل این جی ریفرنس کی سماعت 7 ستمبر تک ملتوی کر دی۔

شاہد خاقان عباسی نے میڈیا سے گفتگو کرتے ہوئے کہا کہ 2 سال سے انکوائری شروع ہے مگر ریفرنس دائر نہیں ہوسکا، اپنی اور خاندان کی ہر ٹرانزکشن نیب کے حوالے کی تھی، میرے اور بیٹے کے اکاؤنٹ کے پیسے پر ٹیکس ادا کرتے ہیں۔

انہوں نے کہا ہم نیب ادارے کو ختم نہیں کرسکے کوئی ایک جماعت یہ کام نہیں کر سکتی تھی، حکومت 2 سال میں کسی ادارے کا سربراہ نہیں لگا سکی، کوئی شخص حکومت کیلئے کام کرنے کو تیار نہیں۔

انھوں نے مزید کہا کہ پہلے دن سے کہہ رہے ہیں نیب کو ختم کر دیں ورنہ یہ پاکستان کو ختم کر دے گا، آج ہر ادارہ زوال پذیر ہے، عوام مشکل میں ہیں، دو سال سے انکوائری شروع ہے، لیکن ریفرنس دائر نہ ہوسکا۔