وزیر اعظم آج فیصل آباد کا دورہ کریں گے
وزیر اعظم عمران خان آج فیصل آباد کا دورہ کریں گے۔ تفصیلات...
وزیر اعظم عمران خان ایک روزہ دورے پر فیصل آباد پہنچ گئے ہیں۔
تفصیلات کے مطابق وزیر اعلیٰ پنجاب عثمان بزدار، گورنر پنجاب چوہدری سرور اور چیف سیکرٹری نے وزیر اعظم کا استقبال کیا، جہاں وہ مختلف ترقیاتی منصوبوں کا افتتاح کریں گے۔
ذرائع کے مطابق وزیر اعظم عمران خان فیصل آباد میں بزنس کمیونٹی، ٹیکسٹائل مینوفیکچررز اور ایکسپورٹر سے ملاقات کریں گے۔
وزیر اعظم بزنس کمیونٹی کی جانب سے منعقد تقریب میں بھی شریک ہوں گے اور بزنس کمیونٹی مراعات دینے پر وزیر اعظم کا شکریہ ادا کرے گی۔
وزیر اعظم صنعتی یونٹس کو سستی بجلی اور دیگر مراعات پر عملدرآمد سے متعلق بھی بات کریں گے۔
وزیر اعظم عمران خان کی جانب سے ٹیکسٹائل انڈسٹری سمیت مینوفیکچرز، ایکسپورٹرز کے لیے اہم اعلان متوقع ہے۔
اس کے علاوہ وزیر اعظم فیصل آباد میں لنگر خانے کا بھی افتتاح کریں گے۔
وزیر اعظم عمران خان فیصل آباد میں ترقیاتی منصوبوں کا افتتاح کریں گے اور فیصل آباد کے ارکان اسمبلی اور پارٹی رہنما سے بھی ملاقات کریں گے۔
واضح رہے کہ چند روز قبل وزیر اعظم عمران خان نے تربت میں دارالاحساس اور وسیلہ تعلیم پروگرام کا افتتاح کیا تھا، اس موقع پر انہوں نے کہا تھا کہ نوجوان پاکستان کا مستقبل ہیں۔
عمران خان کا مزید کہنا تھا کہ میرا ایمان ہے کمزور طبقے کو اوپر لانے تک کوئی بھی قوم ترقی نہیں کرتی، چین نے 30 سال میں 70 کروڑ لوگوں کو غربت سے نکالا اور سپر پاور بن گیا، چین چاہتا ہے کہ سی پیک سے مغربی علاقے کو ترقی دی جائے۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News