برطانیہ میں کورونا کی دوسری لہر ، وفاقی حکومت نے برطانیہ سے آنے والے مسافروں کے پاکستان میں داخلے پر پابندی عائد کردی۔
تفصیلات کے مطابق وفاقی حکومت نے برطانیہ میں کورونا کی دوسری لہر کے باعث برطانیہ سے آنے والے مسافروں کے پاکستان میں داخلے پر پابندی عائد کردی ہے۔
پابندی کا اطلاق 22اور23دسمبر کی درمیانی رات سے شروع ہوگا۔ برطانیہ سے آنے والے مسافروں کے پاکستان میں داخلے پر پابندی کا اطلاق ابتدائی طورپر 29دسمبر تک نافذالعمل رہے گا۔
وہ مسافر جو ٹرانزٹ پر ہوں اور برطانوی ائیرپورٹ پر نہ اترے ہوں وہ پاکستان آ سکیں گے۔
پاکستانی پاسپورٹ رکھنے والے مسافروں کو منفی ٹیسٹ رپورٹ کے ساتھ پاکستان آنے کی اجازت ہوگی۔پاکستانی پاسپورٹ رکھنے والے مسافرسفر سے 72گھنٹے پہلے کورونا منفی ہونے کی ٹیسٹ رپورٹ لے کر آئیں۔
برطانیہ سے آنیوالے پاکستانی مسافروں کاائیر پورٹ پر پی سی آر کورونا ٹیسٹ کیا جائے گا۔ کورونا پی سی آرٹیسٹ کا رزلٹ منفی آنے تک مسافروں کو سرکاری طورپر قرنطینہ میں رکھا جائے گا۔
کورونا ٹیسٹ منفی آنے کے بعد بھی مسافروں کو 7دنوں تک زبردستی ان کے گھروں میں قرنطینہ کیا جائے گا۔
گذشتہ سات دنوں کے دوران برطانیہ سے آنے والے مسافروں کا کورونا ٹیسٹ کیا جائے گا۔
پابندی کا فیصلہ این سی او سی اجلاس میں کیا گیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News