وزیر داخلہ شیخ رشید نے کہا ہے کہ پاکستان اور کویت کے درمیان تعلقات کئی دہائیوں اور کئ نسلوں پر مشتمل ہیں ۔

تفصیلات کے مطابق وزیر داخلہ شیخ رشیداحمد سے کویت کے نائب وزیر خارجہ عزت مآب علی سلیمان السعید کی ملاقات ہوئی ہے جس میں پاکستان اور کویت کےدرمیان تعلقات بڑھانے اور باہمی دلچسپی کے امور پر تبادلہ خیال کیا گیا۔

دوران ملاقات پاکستانیوں کے کویت ویزا کی پابندی ہٹانے کے حوالے سے پیش رفت کا جائزہ لیتے ہوئے حوصلہ افرا پیش رفت پر دونوں رہنماؤں کا اظہار اطمینان کا اظہار کیا گیا۔

کویتی امیر کی طرف سے وزیر داخلہ شیخ رشیداحمد کو کویت کے دورے کی دعوت دی جس پر وزیر داخلہ کا کہنا تھا کہ کویت کے دورے کی دعوت میرے لئے اعزاز کی بات ہے ۔

کویتی نائب وزیر خارجہ کا کہنا تھا کہ پاکستان اور کویت کے درمیان سیکورٹی کے حوالے سے مزید تعاون بڑھانے اور تجارت کے لئے عملی اقدامات جلد لینے کی ضرورت ہے۔

انہوں نے کہا کہ پاکستان اور کویت کے سیکورٹی کے چیلجز مشترکہ ہیں اور میں سمجھتا ہوں ان چیلنجر سے نمٹنے کے لئے وزارت داخلہ کلیدی کردار ادا کر سکتی ہے۔