سیالکوٹ کے حلقہ این اے 75 میں ضمنی الیکشن کی پولنگ کے دوران ہنگامہ آرائی و فائرنگ سے دو افراد جاں بحق اور کئی زخمی ہوگئے۔
تفصیلات کے مطابق سیالکوٹ کے حلقہ این اے 75 کے محتلف علاقے میدان جنگ بن گئے، مسلم لیگ ن اور تحریک انصاف کے کارکنان آمنے سامنے آگئے۔
ڈسکہ کے کالج روڈ پر شر پسندوں نے سرعام فائرنگ کی جبکہ پنجاب پولیس خاموش تماشائی بنی رہی۔ عوام نے پنجاب پولیس مردہ باد کے نعرے بھی لگائے۔
ہنگامہ آرائی کے دوران شر پسندوں کی فائرنگ سے 2 افراد جاں بحق اور 7 افراد زخمی ہوگئے۔
جاں بحق ہونے والے افراد کی شناخت ماجد اور ذیشان کے نام سے ہوئی ہے۔ ماجد کا تعلق پی ٹی آئی سے جبکہ ذیشان کا تعلق مسلم لیگ ن سے ہے۔
پولیس نے پولنگ اسٹیشن کے گیٹ بند کردیے لیکن عوام گیٹ توڑ کر اندر داخل ہوگئی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News