پنجاب حکومت نے ایس او پیز کے تحت تفریحی پارکس کھولنے اور واٹر اسپورٹس کی اجازت دینے کا فیصلہ کرلیا۔
تفصیلات کے مطابق تفریحی پارکس کھولنے اور واٹر اسپورٹس کی اجازت دینے کا فیصلہ این سی او سی کے اجلاس کے بعد صوبائی وزیر صحت ڈاکٹر یاسمین راشد کی زیر صدارت ہونے والے اجلاس میں کیا گیا۔
اجلاس میں فیصلہ کیا گیا ہے کہ این سی او سی کی گائیڈ لائنز کی روشنی میں 5 فیصد سے کم مثبت شرح والے اضلاع میں اجازت دی جائیگی۔
ڈاکٹر یاسمین را شد نے کہا کہ کورونا وائرس پر قابو پانے کے لیے وسط اور طویل مدتی منصوبہ بندی بھی کرنی ہوگی۔ مختلف شعبوں سے متعلق پورے سال کا پلان مرتب کر نے کے لیے کمیٹی تشکیل دی جائے۔
انہوں نے مزید کہا کہ سرکاری اسکولوں کے 4 لاکھ اساتذہ کی ترجیحی ویکسی نیشن کی جائے گی۔
اس موقع پر چیف سیکریٹری نے کہا کہ وباء کی موجودہ صورتحال کو مد نظر رکھتے ہوئے پابندیوں میں نرمی کی جا رہی ہے۔ شاپنگ مالز میں فوڈ کورٹس کو ایس او پیز کے تحت کھولنے کی اجازت دی جائے گی۔ شہری ماسک پہننے، سماجی فاصلہ رکھنے اور دیگر احتیاطی تدابیر کو زندگی کا معمول بنا لیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News