سرگودھا میں زمین کے تنازعے پر فائرنگ، 1 شخص جاں بحق جبکہ 3 زخمی

اریبہ تنویر

19th Sep, 2021. 05:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سرگودھا میں زمین کے تنازعے پر فائرنگ، 1 شخص جاں بحق جبکہ 3 زخمی

سرگودھا میں زمین کے تنازعے پر فائرنگ ہونے کی وجہ سے 1 شخص جاں بحق ہو گیا جبکہ 3 افراد زخمی ہو گئے ہیں۔

تفصیلات کے مطابق یہ افسوسناک واقعہ سرگودھا کے علاقے نصیرپورکلاں میں تھانہ مڈھ رانجھا کے قریب پیش آیا جہاں علاقے کے دو گروپوں کے درمیان زمین کے معاملے پر تنازعہ ہو گیا جس کی وجہ سے دونوں نے آپس میں فائرنگ شروع کر دی۔

ذرائع کا کہنا ہے کہ فائرنگ سے ایک شخص جاں بحق جبکہ 3 افراد زخمی ہو گئے ہیں۔

ذرائع نے کہا کہ فائرنگ سے قتل ہونے والا محمد شہباز سگھر والا کا رہائشی ہے۔

ذرائع کا کہنا تھا کہ زخمیوں میں سیف اللہ، فوزیہ پروین اور غلام نبی شامل ہیں۔

ذرائع نے کہا کہ تھانہ مڈھ رانجھا پولیس نے فوری موقع پر پہنچ کر کارروائی شروع کر دی ہے۔

ذرائع کا مزید کہنا تھا کہ لعش اور زخمیوں کو فوری ہسپتال منتقل کر دیا گیا ہے۔