وزیر اعلیٰ سندھ سید مراد علی شاہ نے کہا ہے کہ میں این ای ڈی کے بعد دنیا کی دوسری بہترین یونیورسٹی سے ماسٹرز کر کے آیا ہوں۔
سید مراد علی شاہ نے این ای ڈی یونیورسٹی کے کانووکیشن سے خطاب کرتے ہوئے کہا کہ این ای ڈی یونیوسٹی کے وائس چانسلر ڈاکٹر سروش نے اس ادارے کو بہتر کرنے میں بڑی محنت کی ہے۔
ان کا کہنا تھا کہ امریکا میں اس کو کانووکیشن نہیں کہتے بلکہ کمینسمنٹ (آغاز) کہتے ہیں کیونکہ آپ نئے فیز میں داخل ہوتے ہو۔
وزیراعلیٰ سندھ نے پاس آؤٹ ہونے والے اسٹوڈنٹس اور یونیوسٹی کے چوکیدار سے لے کر فیکلٹی ممبران تک سب کو احترام سے یاد کیا۔
ان کا مزید کہنا تھا کہ این ای ڈی سے گریجوئیشن کے بعد 2002 میں ایم پی اے بنا اور آج وزیراعلیٰ ہوں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News