سماجی ویب سائٹ ٹوئٹر پر اسد عمر نے مبارکباد دیتے ہوئے لکھا ہے کہ پاکستان میں پچاس فیصد اہل افراد کو ویکسین لگا دی گئی۔
نیشنل کمانڈ اینڈ آپریشن سینٹر کے سربراہ اسد عمر نے لکھا ہے کہ ملک کی 50% اہل آبادی نے کرونا وائرس ویکسین کی کم از کم 1 خوراک حاصل کرنے میں اہم سنگِ میل عبور کیا ہے۔
سماجی ویب سائٹ پر اپنے بیان میں انھوں نے لکھا کہ صوبہ خیبرپختون خوا نصف آبادی میں ویکسین کرنے والا دوسرا صوبہ بن گیا ہے جبکہ گذشتہ روز پاکستان میں سب سے زیادہ 1.7 ملین خوراکوں کے ساتھ ویکسینیشن کا ریکارڈ قائم ہوا۔
Reached important milestone of 50% of country's eligible population receiving at least 1 dose. KP became 2nd province to vaccinate half it's eligible population with at least 1 dose. Yesterday was highest vaccination day in Pakistan with 1.7 million doses. #WelldonePakistan
Advertisement— Asad Umar (@Asad_Umar) November 10, 2021
این سی او سی کی حالیہ رپورٹ کے مطابق گزشتہ 24 گھنٹوں کے دوران ملک بھر میں 46 ہزار 128 ٹیسٹ کیے گئے جن میں سے 554 کیسز مثبت آئے۔ پچھلے سال وبائی مرض سے پاکستان نے 1,278,114 کرونا وائرس کے کیسز کی تصدیق ہوئی۔
گذشتہ دس روز کے دوران ملک بھر 700 سے کم مثبت کیسزرپورٹ ہوئے جبکہ انفیکشنز کی فعال تعداد بھی کم ہو کر 22,958 ہوگئی ہے۔ اس وقت ملک میں 1,167 مریضوں کی حالت تشویش ناک ہے۔ گذشتہ چوبیس گھنٹوں کے دوران آٹھ افراد زندگی سے ہاتھ دھو بیٹھے۔ ہلاکتوں کی کل تعداد 28,566 ہوچکی ہے۔
ملک بھر 443 مریض کرونا وائرس سے صحت یاب ہوئے۔ صحت یاب ہونے والوں کی کل تعداد 1,226,590 ہے۔
اس سے قبل کورونا وائرس سے متعلق اجلاس کی صدارت کرتے ہوئے اسد عمر نے انتظامیہ کو دوسری خوراک تیز کرنے پر زور دیا اور وائرس کے مثبت تناسب کو کم کرنے میں تمام اسٹیک ہولڈرز کی کوششوں کو بھی سراہا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News