سیکرٹری محکمہ پرائمری اینڈ سیکنڈری ہیلتھ کیئر عمران سکندر بلوچ کی ہدایت پر سوشل میڈیا پر عوام کو سی او پی ڈی (Chronic obstructive pulmonary disease) کے بارے میں آگاہی دینے کے لیے ویبنار کا انعقاد کیا گیا۔
عمران سکندر بلوچ کا اس موقعے پر کہنا تھا کہ پوری دنیا میں 17 نومبر کا دن سانس کی نالیوں کے سکڑنے کے مرض سے آگاہی کا دن منایا جاتا ہے۔
ان کا کہنا تھا کہ دنیا بھر میں ساڑھے چھ کروڑ سے زائد افراد سی او پی ڈی بیماری کا شکار ہوئے ہیں لیکن خطرے کی بات نہیں ہے کیونکہ یہ مرض قابل علاج ہے۔
انہوں نے کہا کہ سی او پی ڈی کے بڑھتے ہوئے مرض کی بنیادی وجہ تمباکو نوشی ہے۔
سیکرٹری محکمہ کا کہنا تھا کہ صحت مند طرز زندگی کے حامل افراد سی او پی ڈی کی بیماری سے بچ سکتے ہیں۔
عمران سکندر بلوچ کا مزید کہنا تھا کہ پنجاب میں سی او پی ڈی کی بیماری سے بچاؤ کے لیے حفاظتی اقدامات اٹھائے جا رہے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News