ہمارا مقصد لوگوں کے معیار زندگی کو بلند کرنا ہے، فخر امام

Web Desk

09th Dec, 2021. 03:16 pm

وفاقی وزیر فخر امام نے کہا ہے کہ ہمارا مقصد لوگوں کے معیار زندگی کو بلند کرنا ہے۔

وفاقی وزیر فوڈ سیکورٹی سید فخر امام نے وفاقی وزیر اطلاعات فواد چوہدری کے ہمراہ مشترکہ پریس کانفرنس کرتے ہوئے کہا ہے کہ عمران خان نے زراعت پر توجہ دی جس کی وجہ سے ہم کامیاب ہوئے ہیں۔

انہوں نے کہا کہ گزشتہ سال میں گندم 37 فیصد رقبے پر لگی ہوئی تھی، ھان کی چار ارب سے زیادہ برآمدات ہو سکے گی، ہمارا مقصد لوگوں کے معیار زندگی کو بلند کرنا ہے ۔

فخر امام نے مزید کہا کہ ہم ایگری کالجز اور یونیورسٹیوں کو جدید خطوط پر استوار کریں گے، ہمارے ملک میں پروڈکشن بہت زیادہ ہے۔

دوسری جانب فواد چوہدری نے پریس کانفرنس کرتے ہوئے کہا کہ 89 فیصد لوگوں نے کورونا میں حکومت کے اقدامات پر اطمینان کا اظہار کیا ہے ، پاکستانیوں کو ایک طویل عرصے بعد ایک ایماندار حکومت ملی ہے ، 399 ارب روپے کسانوں کو اضافی آمدنی ہوئی ، کاٹن کی گروتھ میں 118 اور 46 ارب روپے چاول کی اضافی آمدن ہوئی ، یوریا کھاد کی کھپت میں اضافہ ہوا ہے۔

وفاقی وزیر اطلاعات نے کہا کہ ڈی اے پی ہم نہیں بناتے اس لیے اس کی قیمت کا انحصار غیر ملکوں پر ہے ، کل وزیراعظم نے تاریخ کے سب سے بڑے سوشل پروٹیکشن پروگرام کا افتتاح کیا ، کے پی کے اور پنجاب میں تمام خاندانوں کو سال میں دس لاکھ تک کا علاج فری ہوگا۔

فواد چوہدری نے کہا کہ ایسا پروگرام دنیا بھر میں نہیں ہے ، راشن پروگرام میں پچاس ہزار آمدن سے کم لوگوں کو 33 فیصد ریلیف ملے گا ، اس وقت سندھ کی صورتحال بہت خراب ہے ، سندھ میں جو مسلط حکومت ہے اس سے لوگ پریشان ہیں۔

انہوں نے مزید کہا کہ سندھ کے علاوہ سب صوبوں کو علاج کی سہولت مل رہی ہے ، ہم اس کی مزمت کرتے ہیں ، ہم ن لیگ کی طرح اورنج ٹرین بنانے کے بجائے لوگوں پر خرچ کر رہے ہیں۔

Square Adsence 300X250