وزیر مملکت برائے اطلاعات و نشریات فرخ حبیب نے کہا کہ ویسٹ انڈیز کے بعد دیگر بین الاقوامی کرکٹ ٹیمیں بھی پاکستان آئیں گی۔
فرخ حبیب نے ویسٹ انڈیز کرکٹ ٹیم کی پاکستان آمد پر نیک خواہشات کا اظہار کرتے ہوئے کہا کہ پاکستان میں کھیل کے میدان آباد ہورہے ہیں، ویسٹ انڈیز کی ٹیم کو پاکستان آمد پر خوش آمدید کہتے ہیں۔
انہوں نے کہا کہ پاکستان نے ورلڈ کپ میں عمدہ پرفارمینس دکھا کر دنیا کو کرکٹ پسند ملک ہونے کا پیغام دیا ہے، پاکستان کرکٹ سے پیار کرتے ہیں اور پرامن ملک ہے۔
یہ بھی پڑھیں: ویسٹ انڈیز کرکٹ ٹیم کراچی پہنچ گئی
فرخ حبیب کا کہنا ہے کہ پاکستان میں انٹرنیشنل کرکٹ بحال ہونی چاہیے اور اسی وجہ سے ویسٹ انڈیز پاکستان آئی ہے،اس کے بعد دیگر بین الاقوامی کرکٹ ٹیمیں بھی پاکستان آئیں گی اور جو کرکٹ ٹیمیں پاکستان نہیں آئیں انہیں ضرور پچھتاوا ہوا ہوگا۔
وزیر مملکت فرخ حبیب نے مزید کہا کہ کھیلوں کے ساتھ ساتھ پاکستان عالمی امن کو بھی فروغ دیتا رہے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News