وفاقی وزیر برائے مواصلات مراد سعید نے کہا ہے کہ ایک طرف سند یافتہ چور اور دوسری طرف صادق اورامین لیڈر، میں عمران خان کے ساتھ اپوزیشن کا موازنہ کرنا توہین سمجھتا ہوں۔
پریس کانفرنس سے خطاب کرتے ہوئے وفاقی وزیر کا کہنا تھا کہ چوروں کے ساتھ اپنے لیڈرکا موازنہ نہیں کرسکتے ہیں۔
انہوں نے کہا کہ ماضی کےحکمران دنیامیں پاکستان کیلئےشرمندگی کاباعث بنے اور ان کے معاہدے ہمارے گلے کے پھندے بن گئے۔
ان کا کہنا تھا کہ ماضی میں بجلی کے مہنگے معاہدے کیے گئے تھے جس کے بعد بجلی استعمال کریں یا نہ کریں بجلی گھروں کا کرایہ دینا پڑتا ہے۔
انہوں نے بتایا کہ 10 ڈیمز پر کام ہورہا ہے جس کی مدد سے سستی بجلی پیدا ہوگی۔
انہوں نے بتایا ہے کہ عمران خان نے 10 لاکھ فی خاندان کیلئے ہیلتھ کارڈ جاری کیا، ناموس رسالتﷺکامقدمہ لڑا، اسلاموفوبیاکےخلاف آوازاٹھائی جو کہ آج سے پہلے دنیا کے کسی لیڈر نے نہیں کیا تھا۔
ان کا کہنا تھا کہ اوورسیز دنیا بھرمیں پاکستان کےسفیر ہیں جو کہ پاکستانی ملکی معیشت کیلئے اہم کردار ادا کررہے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News