وزیراعظم عمران خان کی جانب سے موجودہ سیاسی صورتحال کے پیش نظر سیاسی کمیٹی کے ارکان کو بنی گالہ طلب کرلیا گیا ہے۔
اس سے متعلق ذرائع کا کہنا ہے کہ وزیراعظم چیف وہپ عامر ڈوگر سمیت دیگر ارکان سے ملاقات کریں گے جس میں میں تحریک عدم اعتماد پر گفتگو کی جائیگی۔
دوسری جانب وزیراعظم عمران خان کی 2 روز کے دوران ارکان قومی اسمبلی سے ملاقاتیں متوقع ہیں جس کے لئے ملاقات کرنے والے ارکان کی فہرست تیار کرلی گئی ہے۔
وزیراعظم آج اور کل اراکین قومی اسمبلی سے ملاقاتیں کرینگے جس میں وہ اپوزیشن کے خلاف اپنی حکمت عملی کے متعلق آگاہ کریں گے۔
ملاقاتوں کے دوران وزیراعظم ارکان قومی اسمبلی سے تحریک عدم اعتماد پر بھی بات کریں گے۔
ان ملاقاتوں کے دوران تحریک انصاف کے ارکان قومی اسمبلی کے تحفظات دور کئے جائیں گے۔
واضح رہے کہ گزشتہ ہفتے وزیراعظم عمران خان کے خلاف اپوزیشن کی جانب سے تحریک عدم اعتماد جمع کرائی ہے اور ساتھ ہی اجلاس بلانے کی ریکوزیشن کی جمع کرادی گئی ہے۔
ریکوزشن جمع کرانے کے بعد اسپیکر کے پاس اجلاس بلانے کے لئے 14 روز کا وقت ہوتا ہے جس میں عدم اعتماد کے حوالے سے اراکین کو اعتماد میں لیا جاتا ہے۔
تاہم اسپیکر قومی اسمبلی کی جانب سے اجلاس بلانے کے حوالے سے کوئی پیش رفت سامنے نہیں آئی ہے جبکہ اسد قیصر کی وزراء اور حکومتی اراکین سے ملاقاتیں جاری ہیں ۔
علاوہ ازیں وزیراعظم بھی اپنے اتحادیوں سے ملاقاتیں کر رہے ہیں جبکہ عوام کو اعتماد میں لینے کے لئے جلسوں کا بھی انعقاد کیا جارہا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News