محکمہ صحت نے کہا ہے کہ خیبرپختونخوا میں 24 گھنٹوں کے دوران کورونا سے کوئی اموات نہیں ہوئیں۔
محکمہ صحت خیبرپختونخوا نے صوبہ میں کورونا وائرس کی صورتحال پر رپورٹ دیتے ہوئے کہا کہ خیبرپختونخوا میں 24 گھنٹوں میں کورونا وائرس سے مزید 16 افراد متاثر ہوئے اور خیبرپختونخوا میں کورونا سے جاں بحق افراد کی تعداد 6 ہزار 322 ہو گئی ہے۔
ادارے نے کہا کہ خیبرپختونخوا میں کورونا کیسز کی مجموعی تعداد 2 لاکھ 19 ہزار 373 ہو گئی، صوبہ میں 24 گھنٹوں کے دوران کورونا سے متاثرہ 25 مریض صحت یاب ہوئے ہیں جس کے بعد یہاں صحت یاب افراد کی تعداد 2 لاکھ 12 ہزار 478 ہو گئی ہے۔
محکمہ صحت نے کہا کہ پشاور میں کورونا وائرس سے جاں بحق افراد کی تعداد 3 ہزار 119 ہو گئی ہے، پشاور میں کورونا سے 24 گھنٹوں کے دوران مزید 1 فرد متاثر ہوئے ہیں۔
ادارے نے کہا کہ پشاور میں کورونا کیسز کی تعداد 82 ہزار 575 ہو گئی ہے۔
محکمہ صحت نے مزید کہا کہ خیبرپختونخوا میں ایک دن میں 4 ہزار 824 ٹیسٹ کیے گئے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News