وفاقی وزیربرائے آئی ٹی اور فیس بک کے اعلیٰ سطحی وفد سے پاکستان میں رابطہ آفس کھولنے اور سرمایہ کاری پر تبادلہ خیال کیا گیا ہے۔
تفصیلات کے مطابق رومانیہ میں وفاقی وزیرآئی ٹی سید امین الحق کی فیس بک کے اعلیٰ سطح وفد سے ملاقات ہوئی ہے۔
ملاقات کے دوران فیس بک کی مالک میٹا سے پاکستان میں جلد اپنا رابطہ آفس کھولنے اور سرمایہ کاری پر تبادلہ خیال بھی کیا گیا ہے۔
Advertisementسید امین الحق / فیس بک حکام سے ملاقات
وفاقی وزیرآئی ٹی سید امین الحق کی رومانیہ میں فیس بک کے اعلیٰ سطح وفد سے ملاقات. فیس بک کی مالک میٹا سے پاکستان میں جلد اپنا رابطہ آفس کھولنے اور سرمایہ کاری پر تبادلہ خیال. #MOITT #DigitalPakistan #connectivity #Facebook #meta pic.twitter.com/7johdkVSph
— Ministry of IT & Telecom (@MoitOfficial) September 28, 2022
اس دوران وفاقی وزیر نے بتایا کہ پاکستان کی بائیس کروڑ کی آبادی میں فیس بک صارفین کی تعداد ساڑھے 4 کروڑ سے زائد ہے اور جس تیزی سے کنکٹیویٹی فراہمی کے منصوبے مکمل کررہے، آئندہ چند سال میں یہ تعداد ڈبل ہوجائے گی۔
انہوں نے بتایا کہ ضروری ہے کہ فیس بک صارفین سے فوری رابطوں کیلئے پاکستان میں اپنا دفتر قائم کرے۔
اس موقع پر میٹا کی جانب سے پاکستان میں تیزی سے پھیلتی کنکٹیویٹی اور انٹرنیٹ صارفین کی تعداد میں اضافے پر اطمینان کا اظہار کیا گیا ہے۔
فیس بک وفد نے کہا کہ میٹاورس کے استعمال اور انٹرنیٹ مستقبل کیلئے باہمی تعاون کی ضرورت ہے اور اس سے م پاکستان طویل مدتی معاشی فوائد حاصل کرسکتا ہے۔
وفد کی جانب سے یقین دہانی کرائی گئی کہ جلد ہی پاکستان کا دورہ کیا جائیگا۔
خیال رہے کہ ملاقات میں اقوام متحدہ جنیوا آفس میں پاکستان کے مستقل مندوب خلیل ہاشمی، پاکستانی سفیر ڈاکٹر ظفر اقبال شریک تھے جبکہ چیف ایگزیکٹیو یونیورسل سروس فنڈ حارث محمود چوہدری نے وفد کو پاکستان میں براڈ بینڈ سروسز پراجیکٹس سے آگاہ کیا اور فیس بک وفد میں ڈاکٹراسماعیل شاہ،ڈاکٹر رابرٹ پیپر،تھامس ناوین،مائیکل سیٹلن،مارک گیرورڈ اور الاریا بینسیوینگا شامل تھے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News