اپنے مطالبات کی منظوری کے لئے کسان اتحاد کی بڑی ریلی آج اسلام آباد میں داخل ہوں گی۔

تفصیلات کے مطابق مہنگائی کے اس دور میں محنت کش کسان اپنے جائز مطالبات کی منظوری کے لئے آج ایک بار پھر بڑی ریلی کی صورت میں فیض آباد کی طرف سے اسلام آباد داخل ہوں گے۔

کسان کے جائز مطالبات:-

1۔ زرعی ٹیوب ویلز ، بجلی بلز میں ناجائز ٹیکس ختم کیے جائیں۔

2۔ سستی ڈی اے پی یوریا کھاد کی فراہمی، بلیک میں فروخت پہ پابندی۔

3۔ گندم ریٹ عالمی مارکیٹ کے مطابق مقرر کریں۔

4-سبسڈی کی بجائے کھاد بیج سپرے کی ڈائریکٹ قیمتیں کم کی جائیں۔

5-فصلوں کی سپورٹ پرائس وقت کاشت سے پہلے مقرر کی جائیں۔

6- کسانوں کو آسان شرائط پہ قرض،زرعی مشینری،جدید ٹیکنالوجی مہیا کی جائے۔

7- گنے کی سپورٹ پرائس مقرر کرکےشوگر ملز سے کسانوں کے سابقہ واجبات ادا کروائے جائیں۔

8- مڈل مین ، آ ڑھتی، کمیشن شاپ کلچر ختم کر کے منڈی کو آزاد کیا جائے۔

9-سولر ٹیوب ویلز، بائیو گیس پلانٹ لگانے میں تکنیکی معاونت اورسرمایہ دیا جائے۔

10- آبپاشی کے نظام کو جدید خطوط پہ استوار کرکے فی ایکڑ نہری پانی کے وقت میں اضافہ کیا جائے۔

11- زرعی زمین کی فروخت ورہائشی تعمیر پہ پابندی لگائی جائے۔

12- فصلوں اور مویشیوں کی انشورنس دی جائے۔