ملک بھر میں بارشوں اور سیلاب سے  مزید 10افراد جاں بحق ہوگئے ہیں جس کے بعد تعداد ایک ہزار 569 ہوگئی ہے۔

اس حوالے سے این ڈی ایم اے کی جاری کردہ رپورٹ کے مطابق ملک بھر میں بارشوں اور سیلاب سے جاں بحق افراد کی تعداد ایک ہزار 569  ہوگئی ہے جبکہ اب تک 12ہزار 860افراد زخمی ہوئے ہیں۔

رپورٹ میں بتایا گیا ہے کہ سندھ 701 ، بلوچستان  300 ، خیبرپختونخوا میں 306 افراد جاں بحق ہوئے جبکہ پنجاب 191 ، آزاد کشمیر میں 48 اور گلگت بلتستان میں 22 افراد جاں بحق ہوئے ہیں۔

اسکے علاوہ ملک بھر میں بارشوں اور سیلاب سے 20 لاکھ 9 ہزار 794 گھروں کو نقصان پہنچا ہے جبکہ  9 لاکھ 98 ہزار 407 مویشی  ہلاک ہوئے ہیں۔

رپورٹ میں بتایا گیا ہے کہ ملک بھر میں سیلاب کی وجہ سے 12 ہزار 716 کلو میٹر شاہراہوں کو نقصان پہنچا ہے۔

سب سے زیادہ متاثرہ اضلاع:

سندھ کے سب سے زیادہ متاثرہ اضلاع میں قمبر شہداد کوٹ، جیکب آباد، لاڑکانہ، خیرپور، دادو، نوشہرو فیروز، ٹھٹھہ اور بدین شامل ہیں۔

بلوچستان کے اضلاع میں کوئٹہ، نصیر آباد، جعفرآباد، جھلمگسی، بولان، صحبت پور اور لیسبیلہ شامل ہیں۔

کے پی میں دیر، سوات، چارسدہ، کوہستان، ٹانک اور ڈی آئی خان اور پنجاب میں ڈی جی خان اور راجن پور شامل ہیں۔

فوج کی امدادی کوششیں:

آرمی ایوی ایشن ہیلی کاپٹروں نے اب تک امدادی کاموں کیلئے 584 پروازیں کیں ہیں جبکہ ہیلی کاپٹر کے ذریعے مجموعی طور پر 4653 پھنسے ہوئے افراد کو نکالا گیا  ہے۔

گزشتہ 24 گھنٹوں میں 10 پروازیں سے 15.7 ٹن امدادی سامان سیلاب متاثرین تک پہنچایا گیا۔

پاک بحریہ کی امدادی کوششیں:

پاک بحریہ کے 4 فلڈ ریلیف سنٹرز، 18 سینٹرل کلیکشن پوائنٹس خدمت میں مصروف ہیں جس کے تحت پاک بحریہ نے 1656 ٹن راشن، 5642 خیمے اور 7 لاکھ 19 ہزار 923 لیٹر منرل واٹر تقسیم کیا  ہے۔

اسکے علاوہ پاک بحریہ کی 11 خیمہ بستیوں میں 20 ہزار 507 افراد رہائش پذیر ہیں  جبکہ23 ایمرجنسی ریسپانس ٹیموں نے 15 ہزار 427 افراد کو بچایا ہے۔

پاک بحریہ کے اندرون سندھ 2 ہیلی کاپٹر بھی تعینات کئے گئے ہیں اور اب تک 64 پروازیں میں 475 پھنسے ہوئے لوگوں کو ریسکیو کیا گیا ۔

ہیلی کاپٹرز کے ذریعے راشن کے 4896 پیکٹ متاثرین میں تقسیم کئے گئے ہیں اور ہیلی کاپٹرز کے ذریعے راشن کے 4896 پیکٹ متاثرین میں تقسیم کئے ہیں۔

بحریہ کے 76 میڈیکل کیمپس میں 78 ہزار 453 مریضوں کا علاج کیا گیا ہے۔

پاک فضائیہ کی امدادی کوششیں:

پاک فضائیہ کے سی 130 طیاروں، ایم آئی 17 اور اے ڈبلیو 139 ہیلی کاپٹرز نے 260 پروازیں کی جس کی مدد سے گذشتہ 24 گھنٹوں میں ہیلی کاپٹرز کے ذریعے 103 افراد کو ریسکیو کیا گیا۔

پاک فضائیہ نے 4885 خیمے، 4 لاکھ 63 ہزار 45 کھانے کے پیکٹ تقسیم کئے اور 3273.35 ٹن راشن اور 2 لاکھ 71 ہزار 843 لیٹر پینے کا صاف پانی تقسیم کیا۔

پاک فضائیہ کے سیلاب سے متاثرہ علاقوں میں 45 میڈیل کیمپ علاج میں مصروف ہیں جس میں 63 ہزار 576 مریضوں کا علاج کیا گیا جبکہ کیمپوں میں مفت ادویات بھی فراہم کی جارہی ہیں۔

خیال رہے کہ پاک فضائیہ کے 20 خیمہ بستیوں میں 19 ہزار 807 افراد مقیم ہیں  اور 54 ریلیف کیمپوں میں میں سیلاب متاثرین کو خدمات فراہم کی جارہی ہیں۔