پاکستان تحریک انصاف کے رہنما فواد چوہدری نے کہا ہے کہ ارشد شریف کا خون رائیگاں نہیں جانے دیں گے۔
سماجی رابطے کی ویب سائٹ ٹوئٹر پر اپنے جاری کردہ ٹوئٹ پیغام میں پاکستان تحریک انصاف کے رہنما فواد چوہدری نے لکھا کہ کینیا کا میڈیا ارشد شریف کی شہادت پر پاکستانی میڈیا سے زیادہ اہم سوالات اٹھا رہا ہے اس سے اندازہ لگا لیں پاکستانی میڈیا اس وقت کتنے زیادہ سنسر شپ اور جبر کا شکار ہے۔
کینیا کا میڈیا ارشد شریف کی شہادت پر پاکستانی میڈیا سے زیادہ اہم سوالات اٹھا رہا ہے، اس سے اندازہ لگا لیں پاکستانی میڈیا اس وقت کتنے زیادہ سنسر شپ اور جبر کا شکار ہے اس معاملے پر طاقتور جوڈیشل کمیشن بنانا پاکستان کی جمہوریت کی ضرورت ہے ارشد شریف کا خون رائیگاں نہیں جانے دیں گے
— Ch Fawad Hussain (@fawadchaudhry) October 25, 2022
جاری کردہ ٹوئٹ میں فواد چوہدری لکھتے ہیں کہ اس معاملے پر طاقتور جوڈیشل کمیشن بنانا پاکستان کی جمہوریت کی ضرورت ہے۔
انہوں نے مزید کہا کہ ارشد شریف کا خون رائیگاں نہیں جانے دیں گے۔
واضح رہے کہ سینیئر صحافی و اینکر پرسن ارشد شریف کا جسد خاکی پاکستان روانہ کردیا گیا ہے۔
ترجمان دفتر خارجہ کے مطابق مرحوم ارشد شریف کا جسد خاکی غیر ملکی پرواز کے ذریعے نیروبی سے دوحہ پہنچا دی گئی ہے جو کہ آج رات 1 بج کر 5 منٹ پر اسلام آباد ائیر پورٹ پہنچایا جائے گا ۔
ترجمان دفتر خارجہ نے بتایا ہے کہ دوحہ سے اسلام آباد کے لئے پرواز پاکستانی وقت کے مطابق رات 9 بج کر 35 منٹ پر اڑان بھرے گی۔
خیال رہے کہ مرحوم ارشد شریف کی جسد خاکی آج رات نیروبی سے دوحہ کے لیے 1 بجکر 25 منٹ پر نیروبی سے روانہ ہونے والی بورڈ فلائٹ QR 1342 کے ذریعے وطن واپس لائی گئی ہے تاہم آگے کی پرواز QR 0632 دوحہ سے 1935 گھنٹے (25 اکتوبر) پر روانہ ہوگی اور کل رات 01:05 بجے اسلام آباد پہنچے گی۔
پاکستانی ہائی کمشنر ثقلین سیدہ نیروبی ایئرپورٹ پر انتظامات کی نگرانی کر رہے تھے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News