سیہون؛ تیز رفتار وین حادثے کا شکار، 18 افراد جاں بحق

ویب ڈیسک

17th Nov, 2022. 10:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سیہون؛ تیز رفتار وین حادثے کا شکار، 18 افراد جاں بحق

سیہون میں انڈس ہائی وے ٹول پلازہ کے مقام پر تیز رفتار وین حادثے کا شکار ہو گئی جس کے باعث 18 افراد جاں بحق ہو گئے ہیں۔

تفصیلات کے مطابق انڈس ہائی وے ٹول پلازہ کے مقام پر انتظامیہ کی جانب سے لگایا جانے والا کٹ متعدد مسافرین کی زندگی چھین لینے کا سبب بن گیا، سیہون میں انڈس ہائی وے ٹول پلازہ کے مقام پر تیز رفتار وین نہر میں گر گئی۔

پانی کی گہرائی کے سبب وین مکمل طور پر پانی کے اندر جا چکی ہے۔

پولیس کا کہنا ہے کہ حادثے میں 18 افراد جاں بحق ہوئے ہیں جن میں زیادہ تعداد بچوں کی ہے۔

مسافرین کا تعلق سندھ کے علاقے خیرو میرس سے ہے۔

آئی جی سندھ کا نوٹس

آئی جی سندھ نے ریسکیو ٹیموں کو ہدایت دیتے ہوئے کہا ہے کہ ریسکیو ٹیمیں فوری مدد کے عمل سے زخمیوں کو قریبی اسپتال تک پہنچائیں۔

ان کا کہنا ہے کہ حادثے کے متاثرین کے سامان کی حفاظت کی جائے، زخمیوں اور جاں بحق ہونے والے مسافروں کے لواحقین کو اطلاعات کے اقدامات کیے جائیں، متعلقہ ایس ایس پی ریسکیو اقدامات اپنی نگرانی میں کرائیں۔