وزیر اعلیٰ سندھ مراد علی شاہ نے کہا ہے کہ سندھ حکومت صحت کے شعبہ میں دیگر صوبوں سے آگے ہے۔
تفصیلات کے مطابق چائلڈ لائف فائونڈیشن اور اٹلی کے اسپتال کے درمیان ایم او یو کی تقریب سے خطاب کرتے ہوئے وزیراعلیٰ سندھ مراد علی شاہ نے کہا کہ مجھے خوشی چائلڈ لائف فائونڈیشن اور اٹلی کے ہسپتال کے درمیان معاہدہ پر خوشی ہے۔
انہوں نے کہا کہ اس معاہدے سے اٹلی کے ہسپتال میں ہمارے 500 ڈاکٹرز کو تربیت ملے گی جبکہ اس معاہدے میں اٹلی کے قونصلیٹ جنرل کا بھی اہم کردار ہے۔
ان کا کہنا تھا کہ سندھ حکومت صحت کے شعبہ میں دیگر صوبوں سے آگے ہے، ہمارے سیاسی مخالفین بھی این آئی سی وی ڈی میں علاج کی تعریف کرتے ہیں جبکہ سندھ حکومت صوبے میں صحت کے شعبے میں پبلک پرائیویٹ پارٹنرشپ کے تحت مختلف اداروں کے ساتھ بھی کام کر رہی ہے۔
مراد علی شاہ نے کہا کہ بچوں کی صحت سے متعلق پبلک پرائیویٹ پارٹنرشپ کے تحت چائلڈ لائف فائونڈیشن کے ساتھ بھی کام کر رہے ہیں جبکہ صوبے ٹیلی میڈیسن کے لیے 100 سینٹرز قائم ہیں۔
انہوں نے کہا کہ سندھ میں بچوں میں اموات کی شرح کم ہوئی ہے جبکہ صحت کے شعبے میں سندھ حکومت انڈس ہسپتال، چائلڈ لائف فائونڈیشن سمیت دیگر اداروں کے ساتھ پبلک پرائیویٹ پارٹنرشپ کے تحت بھی کام کر رہی ہے۔
ان کا کہنا تھا کہ گمبٹ انسٹیٹیوٹ ہیلتھ سائنسز میں اب تک لیور ٹرانسپلانٹ کے 500 کامیاب آپریشن کیے جا چکے ہیں۔
وزیراعلیٰ سندھ مراد علی شاہ نے مزید کہا کہ ہم سندھ میں بین الاقوامی سطح کا صحت کا نظام قائم کریں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News