لاہور: پاکستان تحریک انصاف (پی ٹی آئی) کے چیئرمین اور سابق وزیراعظم عمران خان کو شوکت خانم اسپتال سے ڈسچارج کردیا گیا ہے۔

شوکت خانم اسپتال نے عمران خان کو گولی لگنے پر اپنے وضاحتی بیان میں کہا کہ عمران خان کی دائیں ٹانگ سے ٹکڑے نکالے گئے، ان کے جسم میں گولی کے ٹوٹل 4 ٹکڑے تھے۔

عمران خان شوکت خانم سے ڈسچارج
ہسپتال انتظامیہ کی جانب سے اہم خبر#ImranKhan pic.twitter.com/9GgjQ7gh2Y

— BOL Network (@BOLNETWORK) November 6, 2022

شوکت خانم اسپتال نے بتایا کہ عمران خان کی بائیں ٹانگ سے ٹکڑا نہیں نکالا گیا، عمران خان اسپتال پہنچنے پر مکمل ہوش میں تھے۔

شوکت خانم اسپتال نے مزید کہا کہ عمران خان کا آپریشن ٹکڑے نکالنے کے لیے کیا گیا، اب عمران خان کی حالت تیزی سے بہتر ہورہی ہے۔

خیال رہے کہ لانگ مارچ کے کنٹینر پر فائرنگ میں گولی لگنے سے زخمی عمران خان کا شوکت خانم اسپتال میں چوتھے روز بھی علاج معالجہ جاری تھا جبکہ 4 رکنی میڈیکل بورڈ نے 9 بجے عمران خان کا طبی معائنہ کیا تھا۔

اسپتال انتظامیہ نے بتایا کہ عمران خان معمول کے ٹیسٹ کیے گئے شوگر بلڈ پریشر نارمل ہے اور انکے زخم میں بہتری بھی آرہی ہے۔

ذرائع اسپتال انتظامیہ کا کہنا تھا کہ عمران خان کو آج ڈسچارج کیے جانے کا امکان تھا۔

واضح رہے کہ شوکت خانم اسپتال کے میڈیکل بورڈ نے گزشتہ روز عمران خان کی تمام میڈیکل رپورٹس کو تسلی بخش قرار دیا تھا۔

عمران خان کی شہید کارکن معظم کے لواحقین سے ملاقات، بچوں کی کفالت کا اعلان

گزشتہ روز پاکستان تحریک انصاف (پی ٹی آئی) کے چیئرمین اور سابق وزیراعظم عمران خان نے وزیرآباد حملے میں جاں بحق ہونے والے کارکن معظم گوندل کی والدہ اور بچوں سے ملاقات کی تھی۔

عمران خان نے شوکت خانم اسپتال میں معظم گوندل کی والدہ اور بچوں سے ہسپتال میں ملاقات کی۔

Shaheed Moazzam's family meets Imran Khan today where he assured them of taking care of the kids for their entire life! The FIR on the assassins must be registered soon! #قاتلوں_پر_ایف_آئی_آر pic.twitter.com/ckUMELU5Ww

Advertisement

— PTI (@PTIofficial) November 5, 2022

ملاقات میں عمران خان نے بچوں کے سر پر دست شفقت رکھا اور بچوں کی کفالت کا اعلان کیا۔

انہوں نے بچوں کی پرورش اور کفالت کیلئے ایک کروڑ روپے دیے۔

اعلامیے کے مطابق اس کے علاوہ پنجاب حکومت الگ سے50 لاکھ روپے شہید کی فیملی کو دے گی جبکہ عمران خان نے معظم گوندل کے بچوں کی قیمض پر آٹوگراف بھی دیے۔

خیال رہے کہ 3 نومبر کو وزیر آباد میں عمران خان پر ہونے والے قاتلانہ حملے میں پی ٹی آئی چیئرمین سمیت 13 افراد زخمی جبکہ ایک شخص جاں بحق ہوا تھا۔

بعدازاں عمران خان کو کنٹینر سے گاڑی میں منتقل کرفوری طور پر اسپتال پہنچایا گیا تھا جہاں ان کی ٹانگ میں گلنے والی گولی کو بذریعہ آپریشن نکالا گیا تھا۔

آپریشن کے بعد عمران خان تاحال شوکت خانم اسپتال میں ہی زیر علاج ہیں جبکہ اسپتال کے باہر سیکیورٹی کے سخت ترین انتظامات کیے گئے ہیں۔