محکمہ داخلہ پنجاب نے ٹریفک پولیس کا اسپیشل الاؤنس ختم کر کے لاء اینڈ ارڈر الاونس دینے کا مراسلہ جاری کر دیا ہے۔

تفصیلات کے مطابق کابینہ کی منظوری کے بعد محکمہ داخلہ پنجاب نے لاء اینڈ ارڈر الاونس دینے کا مراسلہ جاری کیا ہے۔

مراسلے کے مطابق سال 2008 کی ٹریفک پولیس ملازمین کی بنیادی تنخواہ کا پچاس فیصد ملنے والا سپیشل الاؤنس تین نومبر 2022 سے ختم کر دیا جائے، سال 2008 کی ٹریفک پولیس ملازمین کی بنیادی تنخواہ کے برابر 4 نومبر 2022 سے لاء اینڈ آرڈر الاونس دیا جائے گا۔

مراسلے میں کہا گیا کہ لاء اینڈ ارڈر الاؤنس ایسے افسران کو نہیں دیے جائیں جو کہ او ایس ڈی ہیں، کسی بد انتظامی کے باعث انکوائری ہونے والے افسران کو الاؤنس نہیں دیا جائے گا، ایسے افسران کو بھی الاؤنس نہیں دیا جائے گا جو 90 دن سے یا اس سے زائد کی چھٹی پر ہیں۔

مراسلے میں کہا گیا کہ ٹریننگ اور اسٹڈی لیو والے افسران کو بھی الاؤنس نہیں دیا جائے گا، محکمہ پولیس کے علاوہ کسی دوسرے ڈیپارٹمنٹ کے افسران کو بھی الاؤنس نہیں دیا جائے گا۔