سینیٹر مصطفیٰ نواز کھوکھر کا مستعفی ہونے کا اعلان

ویب ڈیسک

08th Nov, 2022. 05:33 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سینیٹر مصطفیٰ نواز کھوکھر کا مستعفی ہونے کا اعلان

پی پی سینیٹر مصطفیٰ نواز کھوکھر نے استعفیٰ دے دیا۔

تفصیلات کے مطابق پی پی سینیٹر مصطفیٰ نواز کھوکھر نے اپنے بیان میں کہا کہ کل چیئرمین سینیٹ کے پاس اپنا استعفیٰ جمع کروا دوں گا۔

ان کا کہنا تھا کہ آج پارٹی کے ایک سینئر لیڈر سے ملاقات ہوئی، مجھے بتایا گیا کہ پارٹی کی قیادت میری سیاسی پوزیشن سے خوش نہیں ہے۔

انہوں نے کہا کہ پارٹی قیادت کی طرف سے مجھ سے سینیٹ کی نشست کا استعفیٰ مانگا گیا ہے، میں خوشی سے اپنا استعفیٰ پیش کرتا ہوں، کل چیئرمین سینیٹ کے پاس اپنا استعفیٰ جمع کروا دوں گا۔

مصطفیٰ نواز کھوکھر نے کہا کہ مفاد عامہ کے معاملات پر اپنی رائے کا اظہار کرنے کے اپنے حق کی قدر کرتا ہوں، سندھ سے سینیٹ کی نشست دینے پر پارٹی قیادت کا مشکور ہوں۔