محمود خان نے کہا ہےکہ صوبائی حکومت ٹیکس دہندگان کو زیادہ سے زیادہ ریلیف فراہم کرنے کے لیے کوشاں ہے۔
تفصیلات کے مطابق وزیراعلیٰ خیبر پختونخوا محمود خان کی زیر صدارت محکمہ ایکسائز کی کارکردگی کے حوالے سے اجلاس ہوا۔
اجلاس میں بریفنگ دیتے ہوئے کہا گیا کہ رواں مالی سال کے پہلے چار ماہ میں ایک ارب 18 کروڑ روپے ٹیکس ریکوری کی گئی ہے، یونیورسل نمبر پلیٹ منصوبے کے تحت اب تک 5000 صارفین کو یونیورسل نمبر پلیٹس کا اجراء مکمل ہوا ہے۔
بریفنگ دیتے ہوئے مزید کہا گیا کہ مزید 35 ہزار یونیورسل نمبر پلیٹ کے اجراءپر کام جاری ہے جبکہ صوبے میں منشیات کے خلاف زیر و ٹالرنس پالیسی اختیار کی گئی ہے۔
اجلاس کی صدارت کرتے ہوئے وزیراعلیٰ خیبر پختونخوا نے محکمہ ایکسائز کے تحت ٹیکس کولیکشن کیلئے ای سسٹم متعارف کرانے کی ہدایت دی۔
Advertisement
وزیراعلیٰ خیبر پختونخوا محمود خان نے مزید کہا کہ صوبائی حکومت ٹیکس دہندگان کو زیادہ سے زیادہ ریلیف فراہم کرنے کے لیے کوشاں ہے، ای سسٹم سے مختلف نوعیت کے ٹیکسوں کی گھر بیٹھے ادائیگی کی جا سکے گی۔
Advertisement
Advertisement
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
