پاکستان تحریک انصاف کے حقیقی آزادی مارچ کا آغاز آج گجرات سے دوپہر 12 بجے ہوگا۔
آزادی مارچ کی قیادت شاہ محمود قریشی کریں گے اور مارچ کے آغاز پر شرکاء سے خطاب بھی کرینگے۔
علاوہ ازیں شاہ محمود قریشی مسلم لیگ ق کےسینئر راہنماوں کے ہمراہ گجرات میں پریس کانفرنس بھی کرینگے۔
لانگ مارچ شیڈول:
لانگ مارچ کا پہلا پڑاؤ گجرات رامتلائی چوک پر ہو گا جہاں پر مسلم لیگ ق شرکاء کا استقبال کریں گے۔
لانگ مارچ کا دوسرا پڑاؤ جی ٹی ایس چوک پر ہو گا جہاں پی ٹی آئی کارکنان استقبال کریں گے، اس مقام پر بڑی اسکرین بھی نصب کی گئی ہے جہاں پر عمران خان کا ویڈیو لنک خطاب ہوگا۔
دونوں پوائنٹس پر پولیس کی بھاری نفری تعینات کی گئی ہے جبکہ پولیس نے دونوں پوائنٹس پر آنے والے راستوں کو بیریر لگا کہ بند کر دیا گیا ہے۔
عمران خان کی کارکنوں کو لانگ مارچ کے دوران سڑکیں کھلی رکھنے کی ہدایت
سماجی رابطے کی ویب سائٹ ٹوئٹر پر اپنے ایک پیغام میں عمران خان نے کہا کہ حقیقی آزادی مارچ دوبارہ شروع ہو گیا ہے۔
عمران خان نے مزید کہا کہ کارکنان فوری طور پر سڑکوں سے رکاوٹیں ہٹا دیں۔
حقیقی آزادی مارچ کا دوبارہ آغاز:
پاکستان تحریک انصاف کے حقیقی آزادی مارچ کا کل سے دوبارہ باقاعدہ آغاز ہوگیا ہے۔
پی ٹی آئی کا لانگ مارچ جہاں سابق وزیراعظم عمران خان پر قاتلانہ حملے کے باعث عارضی طور پر ختم کردیا تھا کل سے ایک بار پھر اسی مقام سے حقیقی آزادی کے مارچ کا آغاز کیا گیا۔
لانگ مارچ پر فائرنگ کے واقعہ کے بعد قائدین کیلئے نیا کنٹینر تیار کیا گیا ہے جس ہر بلٹ پروف شیشہ لگانے کے علاوہ دیگر حفاظتی اقدامات بھی کئ جارہے ہیں جبکہ لانگ مارچ کی سکیورٹی کے لئے پولیس کی بھاری نفری بھی تعینات ہو گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News