کراچی: سندھ کے تعلیمی اداروں میں موسم سرما کی تعطیلات کا اعلان کردیا گیا ہے۔
محکمہ تعلیم سندھ نے سردیوں کی چھٹیوں کا اعلان کرتے ہوئے کہا کہ تمام تعلیمی اداروں میں 21دسمبر سے موسم سرما کی تعطیلات ہوں گی، تمام نجی و سرکاری تعلیمی ادارے 2جنوری 2023 سے کھلیں گے۔
وزیر تعلیم سندھ نے کہا کہ تعطیلات کا اطلاق تمام اسکول و کالجز پر ہوگا، محکمہ کی سالانہ اسٹیرنگ کمیٹی کے فیصلے کے مطابق تعطیلات کی جارہی ہیں۔
اسکولوں میں ہفتہ وار 3 چھٹیوں کا فیصلہ
گزشتہ روز لاہورمیں اسموگ بڑھنے کے باعث پنجاب حکومت نے اسکولوں سے متعلق بڑا فیصلہ کیا گیا تھا۔
صوبائی دارالحکومت لاہورمیں اسموگ بڑھنے کے باعث اسکولوں میں ہفتہ وار تین چھٹیوں کا فیصلہ کیا ۔
لاہور میں اسموگ کے باعث اتوارکی چھٹی کے ساتھ ساتھ تمام اسکول جمعہ اورہفتہ کو بھی بندرہیں گے۔
اسکول ایجوکیشن ڈیپارٹمنٹ کی جانب سے چھٹیوں کا نوٹیفکیشن جاری کردیا گیا تھا جس میں کہا گیا تھا کہ ہفتہ وار 3 چھٹیاں تاحکم ثانی رہیں گی۔
واضح رہے کہ اسکول ایجوکیشن ڈیپارٹمنٹ نے لاہور ہائیکورٹ کی ہدایت پر نوٹیفکیشن جاری کیا ہے۔
رواں سال معمول سے زیادہ سردی پڑنے کا امکان
پاکستان بھر میں رواں سال معمول سے زیادہ سردی پڑنے کا امکان ہے۔
اس حوالے سے سردار سرفراز چیف میٹرولوجسٹ کا کہنا تھا کہ پاکستان میں رواں سال موسم سرما معمول سے زائد سرد ہوگا ۔
انہوں نے بتایا کہ کراچی میں سرد موسم کا آغاز نومبر کے وسط سے ہوگا جس دوران راتیں سرد ہونا شروع ہوجائیں گی جبکہ نومبر کے آخر تک دن کے درجہ حرارت میں بھی خاطر خواہ کمی ہونا شروع ہوگی۔
ان کا کہنا تھا کہ کراچی میں بھی رواں سال سردی زیادہ پڑ سکتی ہے لیکن اس حوالے سے کچھ بھی کہنا قبل از وقت ہے۔
انہوں نے بتایا کہ اکتوبر کا مہینہ ہمیشہ گرم ہوتا ہے تاہم گرمی کی شدت میں کمی نومبر کے پہلے ہفتے سے آنا شروع ہو جائے گی۔
یہ بھی پڑھیں: کراچی میں سرد ہواؤں کی آمد، سردی بڑھنے کا امکان
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News