وزیراعظم شہباز شریف نے سعودی عرب کی جانب سے 3 ارب ڈالر واپسی کی معیاد میں توسیع کا خیر مقدم کیا ہے۔
تفصیلات کے مطابق اپنے بیان میں وزیراعظم شہباز شریف نے کہا کہ سعودی عرب کی قیادت اور حکومت کا شکریہ ادا کرتے ہیں جبکہ سعودی ولی عہد شہزادہ محمد بن سلمان کا خصوصی طور پر شکریہ ادا کرتے ہیں۔
وزیراعظم شہباز شریف نے کہا کہ سعودی عرب نے ایک بار پھر بڑے بھائی کا کردار ادا کیا، شہزادہ محمد بن سلمان کی پاکستان سے محبت کی تہہ دل سے قدر کرتے ہیں۔
شہباز شریف نے یہ بھی کہا کہ پاکستان سے اپنی بے مثال محبت کا ثبوت دیا، سعودی عرب کے اقدام سے پاکستان کی معاشی صورتحال بہتر بنانے میں مدد ملے گی۔
وزیراعظم شہباز شریف نے مزید کہا کہ پاکستان کی معاشی خود انحصاری اولین قومی ایجنڈا ہے، سیاسی استحکام اور میثاق معیشت وقت کی ضرورت ہے۔
پاکستانی معیشت کی بہتری کیلئے سعودی عرب کا بہترین اقدام
واضح رہے کہ پاکستانی معیشت کی بہتری کے لیے سعودی عرب نے بہترین فیصلہ کرلیا ہے۔
اسٹیٹ بینک آف پاکستان کی جانب سے جاری کردہ بیان میں کہا گیا ہے کہ سعودی عرب نے پاکستان کو تین ارب ڈالر ڈپازٹ کی مدت میں توسیع کر دی ہے۔
خادم الحرمین الشریفین شاہ سلمان بن عبدالعزیز نے فیصلے کی منظوری دے دی۔
دونوں ممالک کے درمیان تین ارب ڈالر ڈپازٹ کا معاہدہ نومبر 2021 میں ہوا تھا۔
رقم سعودی عرب کی جانب سے پاکستان کے اسٹیٹ بنک آف پاکستان کو ڈپازٹ کی گئی تھی۔
سعودی عرب کی جانب سے ڈپازٹ کی گئی رقم کا مقصد پاکستان کے غیر ملکی کرنسی کے ذخائر کو سپورٹ کرنا ہے۔
سعودی حکام کا کہنا ہے کہ سعودی عرب پاکستان کی اقتصادی ترقی میں اپنا کردار ادا کرتا رہے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News