وفاقی وزیر تخفیف غربت و سماجی تحفظ شازیہ مری نے کہا ہے کہ ہمیں ملکر پاکستان کے مسائل کے حل کیلئے کوشش کرنی چاہیے

پیپلز پارٹی کی سینئر رہنما شازیہ مری نے سانگھڑ میں تقریب سے خطاب کرتے ہوئے کہا کہ مجھے اس کیڈٹ کالج سانگھڑ کے 26 وین یوم والدین کی تقریب میں شرکت کرکے بہت خوشی محسوس ہو رہی ہے۔

سندھ حکومت تعلیم کے شعبے کی ترقی کیلے کوشاں ہے

انہوں نے کہا کہ سندھ حکومت تعلیم کے شعبے کی ترقی کیلے کوشاں ہے، سندھ حکومت نے ایسے تعلیمی ادارے قائم کیے ہیں جو کہ صوبے کے پسماندہ علاقوں میں معیاری اور جدید تعلیم مہیا کر رہی ہیں۔

شازیہ مری نے کہا کہ سندھ حکومت صوبے میں عوام کے خدمت کیلئے سنجیدہ ہے، حکومت سندھ نے اچھڑو، تھر، دوردراز پسماندہ علاقوں میں بجلی اور پانی دیگر سہولیات مہیا کیے ہیں، ہم وفاقی حکومت کا حصہ بن کر بھی عوام کی خدمت کر رہے ہیں۔

انکا کہنا ہے کہ ہمیں ملکر پاکستان کے مسائل کے حل کیلئے کوشش کرنی چاہیے، ینگ کیڈٹ کو یہ پیغام دونگی کہ قائد اعظم کے اقوال کو یاد رکھیں اور ملک کی ترقی میں اپنا کردار ادا کریں، ایک بہتر اور مضبوط پاکستان بنانا ہم سب کا فرض ہے۔

ہمیں سیلاب متاثرہ علاقوں میں دوبارہ تباہ شدہ گھروں کو بحال کرنا ہے

وفاقی وزیر نے کہا کہ پاکستان نیوی کے سیلاب میں کیے گئے خدمات پر انہیں خراج تحسین پیش کرتے ہیں، پاکستان کے اندر حالیہ سیلاب سے بدترین تباہ کاریاں آئیں، سیلاب سے تین کروڑ سے زائد لوگ متاثر ہوئے، ہم ابھی بھی سیلاب متاثرین کیلئے بہت کچھ کرنا ہے۔

شازیہ مری نے کہا کہ ہمیں سیلاب متاثرہ علاقوں میں دوبارہ تباہ شدہ گھروں کو بحال کرنا ہے، سیلاب کے دوران یو این اے کے سیکریٹری جنرل اور دیگر عالمی وفود متاثرین کی مدد کے لئے آئے۔

موسمیاتی تبدیلی دنیا میں ایک حقیقت ہے

پیپلزپارٹی کی رہنما نے کہا کہ موسمیاتی تبدیلی دنیا میں ایک حقیقت ہے، موسمیاتی تبدیلی نے پاکستان میں لاکھوں لوگوں کو تکلیف اور نقصان ہوا ہے۔

انہوں نے کہا کہ وزیراعظم اور وزیر خارجہ بلاول بھٹو نے دنیا کے ہر کونے میں جاکر اس مشکل وقت میں لوگوں کی مدد کے لئے کوشاں ہے۔

انکا کہنا ہے کہ وزیر خارجہ بلاول بھٹو نے لاس اور ڈیمیج فنڈ قائم کرنے کے لئے دنیا کو آمادہ کیا، انہوں نے نہ صرف پاکستان بلکہ پورے دنیا کے ترقی پذیر ممالک میں کلائمیٹ چینج کے نقصان کے ازالے کے لئے نمائندگی کی۔

وفاقی وزیر نے کہا کہ میں یقین دلاتے ہوں کہ وزیراعلیٰ سندھ کو کیڈٹ کالج سانگھڑ کو درپیش مالی و دیگر مسائل کو حل کرنے کیلئے کہیں گے۔ سانگھڑ کیڈٹ کالج میں آج پاکستان نیوی کے تعاون سے 100 واٹ کا منصوبہ لگایا گیا۔

شازیہ مری نے مزید کہا کہ ترکھول منصوبہ ملک میں بجلی کی کمی پوری کرنے کیلئے اہم منصوبہ ہے، کیڈٹ کالج سانگھڑ میں 100 کلو واٹ کے منصوبے کو حکومت سندھ کے تعاون سے 400 کلو واٹ تک کریں گے۔

اس موقع پر وفاقی وزیر شازیہ مری نے نمایاں کارکردگی دکھانے والے کیڈٹس کو مبارکباد بھی پیش کی۔