وزیر اعظم شہباز شریف نے کل وفاقی کابینہ کا اجلاس طلب کرلیا ہے۔
ذرائع کا مطابق وفاقی کابینہ کا اجلاس کل گیارہ بجے ہوگا۔
اجلاس میں سانحہ پشاور اور امن و امان کی صورتحال پر غور ہوگا اور وفاقی کابینہ کو پشاور حملے کی تحقیقات سے آگاہ کیا جائے گا۔
ذرائع کے مطابق اجلاس میں وزیر داخلہ کابینہ کو سکیورٹی صورت حال کے بارے میں آگاہ کریں گے۔
اجلاس میں وفاقی کابینہ ملکی مجموعی سیاسی اور معاشی صورتحال کا جائزہ لے گی۔
ذرائع کے مطابق اجلاس میں موٹر سائیکل اور رکشہ کے لیے لوئر گریڈ کے پٹرول کی سستے داموں فراہمی کا جائزہ لیا جائے گا جبکہ اسلام آباد میں ویسٹ مینجمنٹ پلان بھی منظوری کے لیے پیش کیا جائے گا۔
اجلاس میں توشہ خانہ سے متعلق نئے رولز کابینہ میں منظوری کے لیے پیش کیے جائیں گے۔
واضح رہے کہ کابینہ کے گزشتہ اجلاس میں توشہ خانہ سے متعلق رولز کی منظوری نہیں دی جا سکی تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News