روس سے تمام معاملات مارچ سے پہلے طے ہو جائیں گے، مصدق ملک

ملک سعید اعوان

03rd Feb, 2023. 12:14 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

روس سے تمام معاملات مارچ سے پہلے طے ہو جائیں گے، مصدق ملک

وفاقی وزیر مملکت برائے پیٹرولیم مصدق ملک کا کہنا ہے کہ روس سے تمام معاملات مارچ سے پہلے طے ہو جائیں گے۔

سینیٹ اجلاس میں اظہار خیال کرتے ہوئے وفاقی وزیر مملکت برائے پیٹرولیم مصدق ملک کا کہنا تھا کہ ساٹھ دن سے روس سے مذاکرات چل رہے ہیں۔ روس سے مذاکرات کے بعد مشترکہ اعلامیہ جاری ہوا۔

مصدق ملک نے کہا کہ روس سے تجارت پر بات چیت چل رہی ہے۔ روس نے پاکستان کو یقین دھانی کروائی ہے کہ بیس سے اکیس دن ٹرویل ٹائم ہے۔

انہوں نے کہا کہ نیشنل شپنگ کارپوریشن سے روس سے تیل منگوانے کے لیے براہ راست مذاکرات چل رہے ہیں۔ اضافی جہاز بھی چاہیے ہوں تو نیشنل شپنگ کارپوریشن مہیا کرے گی۔

وزیر مملکت برائے پیٹرولیم کا کہنا تھا کہ ایران کے ساتھ بارٹر ڈیلز ہیں ، باقی پر پابندی لگی ہوئی ہے۔ تیل کی مصنوعات کی قیمت اتنی زیادہ ہے کہ ہمارے پاس تبادلے کے لیے زیادہ اشیاء نہیں ہیں۔

مصدق ملک نے کہا کہ ایل پی جی بارٹر کے ذریعے ایران سے آرہی ہے۔