امیر جماعت اسلامی سراج الحق نے کہا ہے کہ پرامن شفاف انتخابات کا انعقاد ضروری ہے۔

تفصیلات کے مطابق امیرجماعت اسلامی سراج الحق نے جامع ترقیاتی حکمت عملی تقریب سے خطاب کرتے ہوئے کہا کہ عدل و انصاف کے ساتھ ساری دنیا کے امام بن سکتے ہیں۔

انہوں نے کہا کہ ملک ایٹم بم سے نہیں عوام کے اعتماد سے بن سکتا ہے، ہم اب افسانوں کی بجائے مشاہدات پر کام کرینگے، باہر کے قرضوں کی کوئی ضرورت نہیں، یہاں یورینیم، سونا اور قیمتی معدنیات ہے۔

ان کا کہنا تھا کہ ملک میں غربت وسائل کی کمی کی وجہ سے نہیں کرپشن اور مس منیجمنٹ کی وجہ سے ہیں، ہم نے وی آئی پی کلچر کا الوداع کیا تھا دوبارہ حکومت ملی تو یہ کلچر نہیں ہوگا، کسی نے ڈلیوری نہیں کیا، جہالت اور مہنگائی میں اضافہ ہوا۔

ان کا یہ بھی کہنا تھا کہ وائٹ ہاؤس سے بڑے وائٹ ہاؤسز گورنر ہاؤسز ہے جبکہ پاکستان پر 63 ہزار ارب ڈالر کا قرضہ ہے اور سرکاری عیاشیاں آپ سب کے سامنے ہیں جبکہ ترقیاتی بجٹ کم ہورہا ہے اور دفاعی بجٹ میں اضافہ ہو رہا ہے۔

یہ بھی پڑھیں؛ پی ڈی ایم اور پی ٹی آئی نے ملک کو کنگال کر کے رکھ دیا ہے، سراج الحق

 سراج الحق نے کہا کہ تمام حکومتوں کے وزراء خزانہ کا ایک ہی آئی ایم ایف کا دروازہ ہے۔

انہوں نے کہا کہ تبدیلی ذات سے شروع ہوتی ہے، میرے لئے خیبر پختون خواہ کے مسائل کا حل بہت اہم ہے، لوگوں نے بہت ڈرایا مگر ہم نے صوبے میں امن کا کارواں باجوڑ سے وزیرستان سے کیا۔

ان کا کہنا تھا کہ وزراء کی تنخواہ میں تب اضافہ ہونا چاہیئے جب دیگر لوگوں کی تنخواہوں میں اضافہ ہو۔

ان کا یہ بھی کہنا تھا کہ پی ٹی آئی کا موقف ہے کہ اسٹبشلمنٹٹ ان کا ساتھ دیں جبکہ ہم چاہتے ہیں کہ اسٹیبلشمنٹ  اور عدلیہ غیر جانبدار ہو۔

یہ بھی پڑھیں؛ ملکی مسائل کا حل اب انتخابات ہی ہیں، سراج الحق

سراج الحق نے کہا کہ ملک میں انارکی کا خطرہ ہے، پرامن شفاف انتخابات کا انعقاد ضروری ہے۔

انہوں نے کہا کہ ورلڈ بینک اور آئی ایم ایف کسی قوم کو دوست اور بھائی نہیں بناتا ہے۔

ان کا کہنا تھا کہ سندھ کے کچے کے علاقے میں خیبر پختون خوا کے عوام کو باندھ رکھا ہے مگر حکومت خاموش ہے،  جاگیردار سرمایہ دار طبقہ حکومت میں بیٹھے ہیں۔

   امیر جماعت اسلامی سراج الحق نے مزید کہا کہ اخلاص کے ساتھ کلین اور گرین خیبر پختون خواہ بنائیں گے۔