وفاقی وزیر خواجہ آصف نے کہا ہے کہ جہاں بھی اتحادی حکومت ہوتی ہے وہاں چھوٹے موٹے اختلافات ہوتے رہتے ہیں۔
میڈیا سے غیر رسمی گفتگو کرتے ہوئے وزیر دفاع نے کہا ہے کہ اتحادی حکومت میں اختلافات کوئی اتنا بڑا مسئلہ نہیں ہے اور نا ہی سیاست دانوں کو اس حوالے سے کوئی مسئلہ پیش آتا ہے کیونکہ وہ باہمی گفتگو سے اپنے معاملات حل کرلیتے ہیں۔
انہوں نے کہا کہ یہ کوئی بڑا مسئلہ نہیں، ہم ایک حکومت کا حصہ ہیں جہاں بہت سی پارٹیاں ہیں اور ضروری نہیں ہے کہ تمام پارٹیاں یک زباں ہو کر ایک مدعے پر بات کریں ۔
انہوں نے مزید کہا کہ سب کی اپنی اپنی رائے ہوتی ہے اور سب کی اپی اپنی شناحت ہوتی ہے اور اختلاف ہونا ایک فطری عمل ہے اس میں کوی پریشانی والی بات نہیں ہے جس کو حل نہیں کیا جاسکے۔
یہ بھی پڑھیں: عمران خان کا آصف زرداری اور پیپلز پارٹی پر الزام بے بنیاد ہے، خواجہ آصف
خواجہ آصف کا کہنا تھا کہ میں یہ گواہی دیتا ہوں کہ پیپلز پارٹی کے وزراء نے ہمیشہ اتحادی حکومت کا ساتھ دیا ہے۔
ان کا کہنا تھا کہ کل عمران خان کی گرفتار نہیں ہوئے تو وہ سیاسی طور پر زیادہ بہتر ہوا ہے کیونکہ اس طرح کی بزدلی دیکھانے سے فائدہ ہمارا ہی ہوگا۔
انہوں نے کہا کہ بجائے اس کے کہ عمران خان کو گرفتار کر کے جیل میں رکھا جائے، وہ اس طرح دوڑتے پھریں ، چھپتے پھریں وہ ہمارے حق میں اچھا ثابت ہوگا۔
انہوں نے بتایا کہ کل گرفتاری کے موقع پر عمران خان ہم سے چھپے ہیں اور اس حوالے سے کوئی کہتا ہے وہ واش روم میں چھپے تھے کوئی کہتا ہے وہ اسٹور روم میں تھے اور شبلی فراز صاحب نے بھی لکھ کر دیا کہ عمران خان یہاں موجود نہیں ہیں جبکہ اسی وقت انہوں زمان پارک سے خطاب بھی کیا تھا ۔
وفاقی وزیر کا کہنا تھا کہ یہ عمران خان کی دو نمبری ہے اور کل انہوں نے گرفتار نا ہو کر خود کو زیادہ ایکسپوز کردیا ہے جبکہ اگر وہ ایک سیاسی لیڈر کے طور پر گرفتار ہوجاتے تو وہ ان کے سیاسی قد میں اضافہ کرتی جبکہ اس طرح کی بزدلی صرف ذلیل اور رسوا کرتی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News